Өлөөҥҥө сүппүт дьахтар көстө илик

Кулун тутар 24 күнүгэр Өлөөн нэһилиэгэр  28 cаастаах үс оҕолоох  ийэ сүппүтэ.

Биир дойдулаахтара иһитиннэрбиттэринэн, кини ити күн бииргэ үөрэммит кылааһынньыктарын кытта бырааһынньыктаабыт, биэчэрдээн баран билэр ыалларыгар ыалдьыттыы кэлбиттэр. Сарсыарда биэс чаас саҕана дьахтар дьүөгэтин кытта кыыһырсан баран кыбартыыраттан тахсан барбыт. Ол күнтэн ыла эдэр ийэни ким даҕаны көрбөтөх.

Бэҕэһээ, кулун тутар 28 күнүгэр, Өлөөн нэһилиэгэр Дьокуускайтан силиэдэбэтэллэр тиийэллэрин күүтэллэрин туһунан нэһилиэк баһылыга Василий Романов иһитиннэрбит. Билиҥҥи туругунан эдэр ийэни көрдөөһүҥҥэ 50 волонтер үлэлэһэр.