СИА хаартыската
2024 сыл сэтинньи 6 күнүнээҕи сарсыардааҥҥы иһитиннэриинэн, сүппүт дьону 8 киһи көрдүүр, 7 снегоход, уу аннын көрөр3 камера, икки лодка туһаныллаллар.
Көрдөөччүлэр иһитиннэрбиттэринэн, бу улууска суол суоҕун кэриэтэ, спутниковай төлөпүөнүнэн сибээстэспиттэр. Бэҕэһээ сарсыарда үлэни күүһүрдэр соруктаах барбыт дьон быһылаан тахсыбыт сиригэр күнү быһа айаннаан тиийбиттэр. Маны сэргэ, күн-дьыл туруга олус түргэник уларыйар, ол көрдүүргэ мэһэйдиир.
12:00 ч. иһитиннэриинэн, сүппүт дьон көстө иликтэр.
Санатан эттэххэ, Өлөөҥҥө муус анныгар барбыт снегоход сэтинньи 3 күнүгэр киэһээ көстүбүтэ. Икки киһи ити этиллибит тырааныспарынан айаннаабыттар.
Быйыл күһүҥҥүттэн бу бастакы түгэн буолбатах. Алтынньы 16 күнүгэр Орто Халымаҕа кэргэнниилэр ууга түспүттэрэ. Кинилэр снегоходтара муус анныгар тимирбитин туһунан суруллубута.
Алтынньы 29 күнүгэр ууга түспүт балыксыты быыһаабыттара. Бу Дьокуускайга 203 түөлбэ таһыгар буолбута. Кинини Быһыыр сулууспа үлэһиттэрэ кэлэн быыһаабыттара.
Саха сирин ытыктабыллаах олохтоохторо! СӨ Быыһыыр сулууспата билигин мууһунан сылдьыбаккытыгар сүбэлиир. Олоххутун уонна доруобуйаҕытын харыстааҥ.
Бүгүн, олунньу 11 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Олунньу саҕаланыытыгар Күҥҥэ кэнники сылларга буолбатах күүстээх эстиилэр бэлиэтэннилэр. Учуонайдар хас да улахан эстии туһунан…
Саха сиринээҕи УГМС саайтын сабаҕалааһынынан, бүгүн, олунньу 11 күнүгэр, өрөспүүбүлүкэҕэ кыралаан хаардыыр, оттон арҕаа өттүгэр…
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…