Өлөөҥҥө сүппүт иккис киһи өлүгүн буллулар

Бэҕэһээ, сэтинньи 14 күнүгэр, Өлөөн улууһугар снегоход муус анныгар түһүүтүгэр сүппүт иккис эр киһи өлүгүн буллулар диэн СӨ Быыһыыр сулууспатын пресс-сулууспата суруйар.

Эр киһи өлүгүн уу аннын устар камера көмөтүнэн быһылаан буолбут сириттэн 600 миэтэрэ тэйиччиттэн буллулар.

Муус анныгар түспүт снегоходу сэтинньи 3 күнүгэр сылгы баазатыттан 80 км-дээх сиртэн булбуттара. Эр дьон онно айаннаан испиттэр. Сэтинньи 7 күнүгэр биирдэстэрин өлүгүн булбуттара.

Көрдүүр үлэҕэ 14 киһи кытынна — икки водолаз уонна 12 олохтоох киһи.