Өлөөҥҥө сүппүт киһини көрдөөһүн салҕанар

Өлөөн улууһугар Өлөөн өрүскэ сүппүт эр дьонтон биирдэстэрин көрдөөһүн салҕанар диэн СӨ быыһыыр сулууспата иһитиннэрэр.

Санатан эттэххэ, сэтинньи 3 күнүгэр икки эр киһи өрүскэ барбыттар уонна сүппүттэр. Ол кэннэ көрдөөччүлэр муус анныттан сүппүт дьон «Буран» снегоходтарын булбуттар. Сэтинньи 7 күнүгэр тимирбит снегоходтан 300 миэтэрэ тэйиччи биир киһи өлүгэ көстүбүтэ. Ол күн иккис киһини көрдүү СӨ Быыһыыр сулууспатын водолазтара айаннаабыттара.

Уу аннынааҕы камераны туһанан көрдөөһүн бастакы күнүгэр, сэтинньи 9 күнүгэр, ГБО туһанан 60 тыһыынча квадратнай миэтэрэни чинчийбиттэр, муус халыҥа сорох сиринэн 1,5 м тиийэр эбит.

Сэтинньи 11 күнүгэр уу аннынан көрөр камераны туһанан, ууга түспүт снегоход 15 миэтэрэ сүүрүк устун сыҕарыйбытын быһаарбыттар. Өрүс алын өттүгэр көрдөөһүн күн аайы салҕанар. Көрдүүр үлэҕэ икки водолаз уонна 13 волонтер кыттар.

Сэтинньи 13 күнүгэр «Буран» түспүт сирин өссө төгүл көрбүттэр. Бу сиргэ муус халыҥа 60 см тэҥнэһэр. Сүппүт киһини быыһыыр сулууспа водолазтара уонна олохтоох дьон көрдүүллэр