Өлөөҥҥө үс хочуолу уларыттылар

Өлөөн улууһугар быйыл сайын саҥа оттук сезонугар үчүгэйдик бэлэмнэммиттэрэ. Онон “СӨ ОДьКХ” ГУП Өлөөннөөҕү филиала өрөмүөн үлэтин тэрээһиннээхтик ыытта. Хомунаалынай хаһаайыстыба үлэһиттэрэ үс хочуолу уларыттылар, 300 миэтэрэ курдук трассаны өрөмүөннээтилэр.

Билиҥҥи туругунан, 3800 т ньиэп оттук баар. Быһа холоон кэлэр сыл тохсунньу 20 күнүгэр диэри тиийиэхтээх. Онтон кыһыҥҥы суол аһылыннаҕына, Мииринэйтэн таһыахтара.

— “СӨ ОДьКХ” ГУП салалтатыгар түгэнинэн туһанан махтанабын. Барытын эрдэттэн хааччыйар буолан хоту улуустар кыстыкка этэҥҥэ киирэрбитигэр олус көмөлөөх, — диир филиал дириэктэрэ Василий Михайлов.