Өлөөннөөҕү ОДьКХ кэлэктиибэ муус ылла

Ааспыт өрөбүллэргэ “СӨ ОДьКХ “ГУП Өлөөннөөҕү филиалын Өлөөн уонна Дьэлиҥдэ учаастактарын үлэһиттэрэ байыаннай дьайыы кыттылаахтарын дьиэ кэргэттэригэр уонна хомунаалынай хаһаайыстыба салаатын үлэһиттэригэр көмөлөһөн, мууһу ылыыга субуотунньукка кытыннылар.

Онон, түөрт уонтан тахса киһи муус ылан, аҕыс аадырыска тиэртилэр. Маннык субуотунньуктары ыытыыны Өлөөннөөҕү ОДьКХ филиалын кэлэктиибэ үтүө үгэскэ кубулутта.

“Кэнники сылларга биһиги кэлэктииппит көмөлөһөр сыаллаах аһымал аахсыйаларын куруук тэрийэр. Биир идэлээхтэрбин көхтөөхтүк кыттыбыттарын уонна ыарахан кэмҥэ көмөлөһөргө бэлэмнэрин иһин махтанабын. Маннык тэрээһиннэр кэлэктииби түмэллэр”, — диэтэ филиал дириэктэрэ Василий Михайлов.