Женни Стрюкова түһэриитэ
Өрөспүүбүлүкэбит Ил Дархана Айсен Николаев Өлөөн улууһугар тохсунньуга тиийэ сылдьыбыта. Улуус олоҕун-дьаһаҕын уонна экэниэмикэтин сиһилии билсэн баран, сорудахтар кэрискэлэригэр илии баттаабыта.
Улууска тутуу уонна архитектура салаата сайдыытыгар улахан кыһамньытын ууран үлэлии сылдьар “Хапытаалынай тутууга уонна сиргэ-баайга-дуолга сыһыаннаһыыга управление” МКУ салайааччытын солбуйааччы Айталина Винокурова бу сорудахтар тула санаатын маннык үллэһиннэ:
— Ил Дархаммыт Айсен Николаев улууспут сайдыытыгар улахан болҕомтотун туһаайбыта хайҕаллаах. Онно, бастатан туран, Өлөөн сэлиэнньэтигэр алын сүһүөх оскуолатын туспа тутарга (таас оскуолаҕа сыһыары) этиллибитэ. 200 миэстэлээх оскуола тутулуннаҕына, икки симиэнэнэн үөрэнии тохтуоҕа. Былаан быһыытынан 2024 с. киириэхтээх. Үөрэх салаатыгар өссө “Эннээкээн” 98 миэстэлээх дьыссаат саҥа дьиэтэ тутуллара былааннанар.
Айсен Сергеевич өрөспүүбүлүкэ суолталаах эбийиэктэри тутууну эмиэ бу сорудахха киллэрдэ. Ол курдук, бибилэтиэкэлээх саҥа мусуой комплекса торумнанар. Бэтэринээрийэбит Миирнэйгэ сыһыарыллыбыта, ону төттөрү Өлөөннөөҕү бэтэринээрийэ управлениета оҥорорго этиллибитэ тыа хаһаайыстыбатынан дьарыктанар улууска олус көмөлөөх буолуоҕа.
Саамай улахан боппуруоһунан Накыын-Ээйик кыһыҥҥы суолу оҥорууну ньурбалары кытта тэҥҥэ өрөспүүбүлүкэ бүддьүөтүгэр биэрээри гынабыт. Маны сэргэ Ээйиккэ мелиорация боппуруоһа турар. Уулара дэриэбинэҕэ киирээччи, онон ууну күөлгэ түһэрии үлэтэ барыахтаах. Олохтоохтор туундара популяцията кыыл табаны бултааһыҥҥа лимиити элбэтиини туруорсаллар. Бу боппуруос сүрүннэнэрэ ирдэнэр. Харыйалаахха успуорт саалата тутулла турар, аны күһүн киириэхтээх. Онуоха Успуорт министиэристибэтэ оборудованиенан хааччыйара эмиэ бу сорудахтарга ыйылынна.
Улуус олохтоохторун олоҕо-дьаһаҕа тупсарын туһугар эргиэн-логистика киинэ тутуллуохтаах. Онон бу киин тутуутун түргэтэтэргэ диэн бу сорудахха сурулунна.
Быһата, Ил Дархан 17 пууннаах сорудаҕа илии баттанна. Онон бу манна киирбит сорудахтар туолуохтара диэн бүк эрэнэбит.
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…