П.Трофимов тиксэрдэ
Тыа хаһаайыстыбатыгар олус туһалаах тэрил оҥоһуллубут. Ол курдук, өкүмүлээтэринэн бэйэтэ барар электро-тэлиэгэни.
Бу туһунан Дьокуускайга баар “Агроэксперт Якутия” тэрилтэ салайааччыта Павел Егорович Трофимовтан туоһуласпыппытыгар маннык кэпсээтэ:
— Биһиги Горнай улууһун Маҕарас агро-оскуолатыгар анаан экспериментальнай курдук электро-тэлиэгэ диэни сакаастаан Москваҕа оҥоттордубут. Сайын да, кыһын да үлэлиир кыахтаах. Өкүмүлээтэринэн барар, электро буолар. Бэнсиининэн үлэлээбэт, онон экология өттүнэн ыраас тэрил. Бэнсиин эбитэ буоллар, сүөһүгэ, ыаммыт үүккэ да буортулаах буолуо этэ. Биир сырыыга 150 киилэни таһыан сөп. Ноһуому эрэ буолбакка, сиилэһи, сенаһы да таһан киллэрэр кыахтаах. Сыаната – 130 тыһыынча солкуобай, биһиэхэ сакаастаатахтарына, икки нэдиэлэ иһинэн аҕалан биэриэхпит. Хаачыстыбата үчүгэй, иннинэн-кэннинэн барар, толорор функцията элбэх. Сорохтор сыанатын ыарахан дэһэллэр эрээри, билигин, бэл, самокат 60-70 тыһ. сыаналаах. Билиҥҥи кэмҥэ пиэрмэ-хотон үлэтин чэпчэтэр кэм кэллэ дии саныыбын. Холобур, билигин улахан пиэрмэлэргэ сүөһү ноһуомун таһаарар ТСН-2 (транспортер скребковый навозоуборочнай) анал тэриллэр баар буоллахтарына, орто уонна кыра хаһаайыстыбаларга илиинэн таһаараллар. Кинилэргэ бу тэрил олус туһалаах буолуо этэ.
Хаартыска: П.Трофимов ыытта
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…