Хаартыска: Дьулустаан Сергеев, ЯСИА.
Билиҥҥи бириэмэҕэ кыраныысса таһыгар сытар эрэгийиэннэргэ эрэ буолбакка, дойду хайа баҕарар эрэгийиэнигэр баар электроэнэргиэтикэ эбийиэктэрин куттала суох буолууларын хааччыйыыга балаһыанньа уустугурбута бэлиэтэнэр.
РФ Энэргиэтикэҕэ министиэристибэтигэр баар иһитиннэриинэн, Украина анал сулууспаларын сорудахтарынан, дойду энэргэтиичэскэй инфраструктуратын эбийиэктэригэр түөкүннэр исхиэмэлэрин туһанан диверсионнай, террористическай саба түһүүлэр чаастатыйбыттар. Маннык саба түһүүлэртэн уотунан хааччыйыы кэһиллэн, олоххо-дьаһахха, бырамыысыланнаска мэһэйи үөскэтэр, дойду экэнэмиичэскэй куттала суох буолуутугар хоромньу оҥоһуллар.
Аҥардас бэс ыйын 11-17 күннэригэр Арассыыйа биэс субъегар (Коми, Татарстан Өрөспүүбүлүкэлэригэр, Краснодарскай, Ставропольскай кыраайдарга, Оренбург уобалаһыгар) 35-110 кВ напряжениелаах подстанцияларга сокуону кэһэн киирэн, трансформатордартан арыыларын тохпут, сороҕор умаппыт 9 түбэлтэлэрэ тахсыбыта бэлиэтэннэ. Ол түмүгэр холбоон 5 тыһ. туочукаҕа дьон уота суох хаалбыттар.
Онон уотунан хааччыллыы куттала суох буолуутун көрөр-истэр бырабыыталыстыба хамыыһыйата (федеральнай штаб) РФ субъектарын уотунан хааччыллыы куттала суох буолуутун көрөр-истэр штабтарын салайааччыларыгар кылгас кэм иһигэр ситэриилээх былаас эрэгийиэннээҕи, муниципальнай уорганнарын, быраабы араҥаччылыыр уорганнар уонна энергохампаанньалар пресс-сулууспаларын кытта бииргэ сэрэтэр-профилактическай тэрээһиннэри ыыталлара наадатын ыйда. Ол эбэтэр электроэнэргиэтикэ эбийиэктэригэр сокуону кэһэн туран киирии уонна оборудованиетын тыытар табыллыбатын, маннык дьайыыны оҥорон холуобунай дьыалаҕа тардыллыахха, эбиитин ураты ыарахан буруйу оҥоруу быһыытынан көрүллүөн сөбүн нэһилиэнньэҕэ өйдөтүөхтээхтэр.
Кырачаан Айыына Кожурова бэйэтин уонна дьиэ кэргэнин туһунан видеоҕа уһулан олус сэргэхтик уонна холкутук кэпсиирин,…
Ааспыт сууккаҕа Саха сиригэр буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Үөрэх үлэһиттэрин тохсунньутааҕы мунньаҕар өрөспүүбүлүкэҕэ педагогическай каадыр боппуруоһун быһаарыыга түөрт тус-туспа тиэмэлээх блоктан турар «Кадровая…
Саха Өрөспүүбүлүкэтин норуот маастара, Духуобунас академиятын академига, П.А. Ойуунускай аатынан Судаарыстыбаннай бириэмийэ лауреата, Култуура үтүөлээх…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Бу күннэргэ аан дойду болҕомтото тохсунньу 19-23 күннэригэр Швейцария Давос куруортугар буола турар Аан дойдутааҕы…