Хаартыска: СИА.
Госдуума дьокутааттара вейпы (электроннай сигаретаны) бобор туһунан сокуон барылын бэлэмнии сылдьаллар. Муус устар 3 күнүгэр Госдуума Сэбиэтигэр спикер Вячеслав Володин дьокутааттары бу сокуону ылыналларыгар ыҥырда диэн “Ведомости” суруйар.
Урут, тохсунньу 18 күнүгэр Володин тустаах кэмитиэттэргэ вейпы бобор туһунан этиилэри киллэрэргэ сорудахтаабыта. Бу күн сигаретаҕа уонна никотиннаах электроннай систиэмэлэр убаҕастарыгар акцизтары үрдэтэр туһунан сокуону ылыммыттара. Сокуон кулун тутар 1 күнүттэн үлэлээн барбыта.
Кулун тутар 23 күнүгэр Володин премьер-миниистир Михаил Мишустиҥҥа вейптары бобуу туһунан этиилээх тиийбитэ. Премьер “бырабыыталыстыба бу боппуруоһу көрүө” диэн хоруйдаабыта.
ЛДПР баартыйа уруккуттан бу боппуруоһу көтөҕөр. Былырыын от ыйыгар электроннай сигареталары улаатан эрэр оҕолорго атыылыыры бобор туһунан сокуон барылын Госдуумаҕа киллэрбитэ.
Госдуума тута от ыйыгар электроннай сигареталары уонна кальяннары уопсастыбаннай сирдэргэ туһанары, эрэкэлээмэлиири уонна улаатан эрэр оҕолорго атыылыыры бобор туһунан сокуону ылыммыта. Билигин саҥа сокуону ылыннахтарына, электроннай сигареталары туһанары, атыылыыры букатын бобуохтара.
Электроннай сигарета табахтааҕар ордук буортулааҕын туһунан «Роспотребнадзор» элбэхтик суруйар. Манна никотин эрэ буолбакка, пропиленгликотль диэн буортулаах бэссэстибэ баар. Ону тэҥэ, убаҕаһа паар буолан, киһи тыҥатыгар ордук түргэнник киирэр, алдьатар.
Электроннай сигарета буортутун туһунан суруйууну бу сигэнэн киирэн ааҕыҥ:
https://edersaas.ru/chegien-elektronnaj-sigareta-buortulaah-duo/
Дьокуускай куорат күнүн сүрүн тэрээһиннэрэ балаҕан ыйын 12-14 күннэригэр ыытыллыахтара. Субуотаҕа уонна баскыһыанньаҕа, балаҕан ыйын…
Туһааннаах сокуон бырайыагын "Новые люди" дьокутааттара Владислав Даванков, Антон Ткачев, Ярослав Самылин уонна Владимир Плякин…
Сүрэх ыарыытын саамай ыарахан көрүҥэ инфаркт буолар. Хомойуох иһин, инфаркт эр дьоҥҥо эдэрсийэн иһэр. Тоҕо…
Дьокуускайга ыытыллыбыт икки күннээх Гражданскай пуорум балаҕан ыйын 10 күнүгэр "Гражданскай уопсастыба: Кыайыы туһугар сомоҕолоһуу"…
Ититиини биэрии нэдиэлэ устата бары улуустарга саҕаланыаҕа. Бүгүҥҥү күн түмүгүнэн, ититиини биэрии уопсайа 32 улууска…
Бүгүҥҥү күҥҥэ ититии Дьокуускайы ааҕан туран, 32 улууска киирбит. Атырдьах ыйыгар 13 арктическай оройуоҥҥа ититии…