Эдэр уол электроннай табаҕы атыылаһаары куртка уорбут

Дьокуускайдааҕы полиция отделын дьуһуурунай чааһыгар  куртка уорбуттарын туһунан олохтоох киһиттэн сайабылыанньа киирбит.

Хоромньу суумата — 20 тыһыынча солкуобай. Бу туһунан ИДьМ пресс-сулууспата иһитиннэрэр.

Холуобунай ирдэбил үлэһиттэрэ кэтээн көрүү камератын үөрэттилэр. Ол түмүгэр, 20 саастаах эдэр  уорбаланааччыны туппуттар.

Хара санаалаах эдэр киһи быһаарбытынан, уол электроннай табаҕын сүтэрбит, онон саҥаны атыылаһаары куртканы уорбут. Кини куртканы уоран ыларга уонна электроннай табаҕы атыылаһарга эрдэ быһаарыммыта билиннэ. Сөптөөх кэми кэтэһэн туран, ким да көрбөтүнэ, куртканы вешалкаттан уһулан таһырдьа тахсан барбыт. Ол эрээри, уорбут курткатын атыылыыра кыаллыбатах. Куртканы полиция үлэһиттэрэ былдьаатылар.

Холуобунай дьыала тэрилиннэ, эдэр уол 5 сылга диэри болдьоххо көҥүлэ быһыллыан сөп.