Хаартыска: Николай Апросимов тиксэриитэ.
Машиннай үөрэтиигэ олоҕуран эбэҥки тылын электроннай тылбаасчытын оҥорор уонна олоххо киллэрэр бырайыак былырыын Стратегическай көҕүлээһин агентствота ыытар “Сильные идеи для нового времени” пуорумҥа кыттан, Саха сиригэр 10 бастыҥ бырайыак кэккэтигэр киирбитэ.
Идиэйэ ааптара Николай Апросимов Саха сиригэр киэҥник биллэр Апросимовтар эбэҥки удьуордарын салҕааччы, күн бүгүн бу тылы билэр киһи аҕыйаан иһэр кыһалҕатын бэлиэтии көрөн, нууччалыыттан сахалыы электроннай тылбаасчыты оҥорорго ылсыбыттар.
— Бырайыакпыт былырыын Стратегическай көҕүлээһин агенствотын лиинньийэтинэн 233 сайаапкаттан Саха сиригэр 10 бастыҥ бырайыак кэккэтигэр киирбитэ. Стратическай көҕүлээһин агентствота ыытар “Сильные идеи для нового времени” пуорумҥа сайаапка ыытан, Саха сиригэр 10 бастыҥ бырайыак кэккэтигэр киирбиппит. Бастыҥ идиэйэлэри дойду бэрэсидьиэнэ Владимир Путиҥҥа билиһиннэрэллэр. Айсен Сергеевич биһиги үлэбитин үрдүктүк сыаналаабыта, бырайыак бары өттүнэн өйөнүөҕэ диэн эппитэ, салгыы сайдарыгар ирдэбилигэр чопчулааһыны киллэрэргэ сүбэлээбитэ, — диэн этэр.
Эдэр дьон өссө 2021 сыллаахха нуучча тылыттан эбэҥки тылыгар тылбаастыыр аан дойдуга соҕотох роботизированнай голосовой платформаны оҥорбуттар. Тустаах платформа баазатыгар босхо “AYANA” мобильнай сыһыарыыны таһаарбыттар. Бу нууччалыыттан эбэҥкилии тылбаастыыр, сэһэргэһиэххэ, хартыыналары көрүөххэ сөп, эбэҥкилии остуоруйалары кэпсиир.
Тылбаасчыты учууталлар оҕолору үөрэтэргэ, хотугу аҕыйах ахсааннаах омуктар тылларын, култуураларын үөрэтэргэ үөрэх хаачыстыбатын тупсарарга туһаныахтарын сөп.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…