Хаартыска: https://pxhere.com/
Муус устар 11 күнүгэр Судаарыстыбаннай Дуума электроннай сигареталары, вейптары 18 саастарын туола илик оҕолорго атыылыыры бобор туһунан сокуону ылынна. Бу туһунан “Известия” хаһыат суруйар.
Арассыыйаҕа 2020 сылтан никотиннаах бородууксуйаны сокуоннай саастарын туола илик оҕолорго атыылыыр бобуллубута. Ол эрээри, 18 саастарын туола илик оҕолор 1 кыраамтан кыра никотиннаах электроннай сигаретаны ылаллара көҥүл курдук этэ. Оҕолорго уоран атыылыыр дьон эмиэ бааллар. Интэриниэтинэн эрэкэлээмэлээн баран, ханна эрэ болдьоһон, бэйэлэрэ тиийэн оҕолорго атыылыыллар эбит. Онон улаатан эрэр оҕолорго электроннай табаҕы тардыы муода курдук буолла.
Билигин оҕолорго никотина да суох вейп убаҕастарын атыылыыр бобулунна. Ону тэҥэ, маҕаһыыннар витриналарыгар вейп-бородууксуйа ойуутун көрдөрүү, социальнай ситимнэргэ эрэкэлээмэ, чэпчэтии эмиэ бобуллар.
Инникитин вейптары, убаҕастары интэриниэтинэн атыылыыры бобор туһунан сокуон барылын оҥорор былаан баар. Дьокутааттар этэллэринэн, оҕолору көмүскүөххэ наада. Электроннай сигарета ингалятор курдук, паарынан үлэлиир буолан, буортута табахтааҕар өссө улахан. Аҕыйах сылынан тыҥа, сүрэх-тымыр, ньиэрбэ ыарыылара үөскүүллэр. Ону тэҥэ, алдьаммыт вейп эстиэн да сөп. Биир оҕо айаҕар эстэн, бу уол улаханнык эчэйбитэ.
Бу ылыллыбыт сокуону толорботоххо, туох накаастабыл баарый? Сокуоннай саастарын туола илик оҕолорго атыылаабыт дьон 20-40 тыһыынча солкуобайга ыстарааптаналлар. Дуоһунастаах дьоҥҥо ыстараап – 40-70 тыһыынча солкуобай, тэрилтэлэргэ – 150-300 тыһыынча солкуобай.
Айылҕаттан айдарыылаах айар куттаах худуоһунньуктар тыа сиригэр үгүстэр. Биир оннук, нууччалыы эттэххэ, “самородок” худуоһунньугунан Хаҥалас…
Быйыл Саха сирин үрдүнэн биллиилээх судаарыстыбаннай уонна бэлитиичэскэй диэйэтэл Степан Аржаков төрөөбүтэ 125 сылын бэлиэтээтибит.…
Москваҕа Муора кэллиэгийэтин Арктикаҕа РФ национальнай интэриэстэрин көмүскүүр Сэбиэтин бастакы мунньаҕа буолан ааста. Арктикаҕа РФ…
Ирбэт тоҥ дойдуга олорорбут биир үчүгэйэ, атахпыт анныгар түҥ былыргы олох харалла сытар. Таба тайаннахха,…
“Бүгүҥҥү күҥҥэ саамай улахан ситиһиибитинэн олоҥхону толорор ыччаппыт, эр дьоммут элбээбитэ буолар. Кинилэри түүн да…
Абхазияҕа ааспыт нэдиэлэттэн өрө туруу баран, бэрэсидьиэннэрин быыбара болдьоҕун иннинэ ыытыллар буолла. Сэтинньи 15 күнүгэр…