Электросамокаттаах оҕону массыына түҥнэри көттө

Ыам ыйын 30 күнүгэр,  Дьокуускайга Ойуунускай аатынан уулусса 10-с дьиэтин аттыгар, күнүс 2002 с.т. суоппар «Тойота Корона» массыынатынан олбуор иһигэр киирэригэр 12 саастаах оҕону түҥнэри көттө.

Саха сиринээҕи ГИБДД пресс-сулууспата иһитиннэрэринэн, оҕо оскуолатыттан электросамокатынан дьиэтигэр төннөн испит. Быһылааҥҥа уол оҕо кыра эчэйиилэри ылбыта билиннэ.

Суоппар саахал кэмигэр арыгы испэтэҕэ чуолкайданна.

Оҕолорго сайыҥҥы сынньалаҥнар саҕаламмытынан Саха сиринээҕи ГИБДД үлэһиттэрэ суоппардары суолга болҕомтолоох уонна сэрэхтээх буоларга ыҥыраллар. Суоппардар суол быраабылатын тутуһаргыт булгуччулаах. Түргэнник айаннаамаҥ.