Электросамокатынан суол быраабылатын кэһии иһин ыстарааба 30 тыһ.солк. диэри үрдээтэ

Арассыыйаҕа электросамокаттар сервистэрэ электросамокаты салайыыга сааһынан хааччахтааһыны кэһии иһин эппиэтинэһи күүһүрдэн биэрдилэр уонна ыстараап сууматын үс төгүл улаатыннардылар.

Бу туһунан МГПУ быраап департаменын доцена Максим Тишаков кэпсээтэ. Кини иһитиннэриитинэн, бу дьаһал сокуоннай саастарын ситэ илик оҕолор ортолоругар үрдүк суол саахала тахсарыттан ылылынна. Оҕолор үксүн суол быраабылатын тутуспаттарыттан улахан суол саахала тахсара бэлиэтэнэр.

Билигин Арассыыйаҕа итинник кэһиилэр иһин ыстараап суумата 1500 солкуобайтан 5000 солкуобайга диэри тиийэр. Ол эрээри, бу миэрэлэр туһаны аҕалбаттара билиннэ. Мантан сиэттэрэн, сорох кикшеринг оператордара ыстараап сууматын 10000-тан 30000 солк. диэри улаатыннарарга быһаардылар. Оттон Москваҕа ыстараап суумата 100000 солк. тиийэр. Ону таһынан Максим Тишаков билигин суол быраабылатын кэһии иһин Административнай кодексатыгар уларытыылары киллэриини дьүүллэһэллэр диэн бэлиэтээтэ.

Электросамокаты салайыыга кэккэ бобуулар уонна ирдэбиллэр бааллар, холобур:

— таһаҕаһы тиэйэр бобуллар;
— дьону, пассажирдары таһар бобуллар;
— айан суолга хаҥас салайар көҥүллэммэт;
— итирик туруктаах салайар бобуллар;
— пешеходунан айанныыр бобуулаах;
— 25 км/ч үөһэ түргэн тэтимнээхтик айанныыр бобуулаах;
— трассаннан айанныыр бобуулаах;
— самокаты состорор уонна соһор бобуллар;
— айан кэмигэр мобильнай төлөпүөнүнэн туһанар бобуулаах.

Ыстараап суумата:

— икки буолан айаннааһын — 3000-5000 солк.;
— саастарын ситэ оҕолорго салайтарыы — 10 тыһ.солк.-100 тыһ. солк.;
— сыыһа парковкалааһын — 500-5000 солк.;
— итирик туруктаах салайыы — 100-150 тыһ.солк.;
— пешеходунан айаннааһын — 1000 солк.;
— самокаты алдьатыы — 10 тыһ.солк.- 35 тыһ.солк.;
— самокаты сүтэрии — 35 тыһ.солк. — 45 тыһ.солк.;
— киһини эчэтии — 50 тыһ.солк. — 150 ттыһ.солк;
— көҥүллэнэр зона таһынан айаннааһын — 1000 солк.