Хаартыска видеоттан скриннэннэ
«Спас» телеханаал «В поисках Бога» биэриитигэр байыаннай дьайыыга кытта сылдьан, ыарахан бааһырыыны ылан, эпэрээссийэлэнэ сытан өлөн баран тиллибит саха уолун туһунан биэриини устан таһаарда.
Мэдиссиинэ көмөлөһөр кыаҕа суох, кини ыарахан бааһырыытыттан тыына быһынна диэн сурунаалларыгар бэлиэтээбиттэрин кэннэ, тиллэн кэлбит. Кини хас да мүнүүтэҕэ сүрэҕэ тохтоон ылбыт кэмигэр, киниэхэ түүлүгэр дуу, илэ дуу Сибэтиэй Лука Крымскай кэлэн кириэстээн, Орто дойдуга төннөрүгэр алҕаабыт. Таҥара бу эдэр киһи өлөрө сатаммат диэн төттөрү ыыппыт. Биэриигэ кэпсииллэринэн, биһиги күннээҕи олохпутугар сылдьан, анараа дойду баар дуу, суох дуу диэн санаабаппыт, ол эрээри сөҕүмэр дьиктилэр, маннык ураты түбэлтэлэр киһини толкуйдаталлар.
Ньурба улууһун Маар нэһилиэгиттэн төрүттээх Дьулустан Иванов анараа дойдуга көрсүспүт сибэтиэйдэрэ, кини олоҕун букатыннаахтык эргиппиттэрэ. Уол таҥара баарыгар итэҕэйэн, госпиталтан тахсаат сүрэхтэнэн сибэтиэй Сергий Радонежскай аатынан, Сергей диэн ааттаммыт.
Маннык дьикти дьылҕалаах дьон туһунан киинэлэр наадалар. Кинилэр патриотизмҥа угуйаллар, итэҕэллээх буолууну кэрэһилииллэр, кистэлэҥи арыйаллар – итэҕэллээх эрэ буоллахпытына биһиги дойдубутугар, баар дьоммутугар-сэргэбитигэр, бырааттарбытыгар, эдьиийдэрбитигэр дьиҥ тапталы үөскүүр.
Салгыы «Спас» телеханаал «В поисках Бога» биэриитигэр Дьулустан Иванов биэрбит интервьютун көрүҥ: https://dzen.ru/video/watch/661a612a864ae13fdbd482f0?rid=1780210364.72.1713251501063.47345&t=272
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…