Ил Түмэн пресс-сулууспата
РФ Бырабыыталыстыбатын Бэрэссэдээтэлин солбуйааччы – РФ Бэрсидьиэнин Уһук Илиннээҕи федеральнай уокурукка боломуочуйалаах бэрэстэбиитэлэ Юрий Трутнев соторутааҕыта РФ Уһук Илини уонна Арктиканы сайыннарар министиэристибэтигэр 2027 сылга Арассыыйаҕа Арктика сылын тэрийэн ыытарга сорудах биэрбитин туһунан иһитиннэрдэ. Бу көҕүлээһин эрэгийиэн сүрүн социальнай-экэнэмиичэскэй кыһалҕаларын быһаарыыга эбии болҕомтону тардарга уонна судаарыстыбаннай бэлиитикэ бигэ миэрэлэрин өйүүргэ туһуланар. Бу туһунан Ил Түмэн пресс-сулууспата суруйар.
Бу этиини Ил Түмэн Хотугу аҕыйах ахсааннаах төрүт омуктар боппуруостарыгар уонна Арктика дьыалаларыгар бастайааннай кэмитиэтин бэрэссэдээтэлэ Елена Голомарёва биһирээтэ.
Кини бу тэрээһин олохтоохторго сүдү суолталааҕын бэлиэтээтэ. «Бу биһиэхэ, Арктика олохтоохторугар, саамай интэриэһинэй, кыһалҕалаах боппуруостары быһаарарга стратегическай суолталаах сылынан буолуоҕа. Судаарыстыбаттан эрэйэр үгүс кыһалҕа мунньулунна: инфраструктура, дьиэ-уот тутуута, социальнай эбийиэктэр, суол тутуутун бырагыраамалара, энергетика, тырааныспар хааччыллыыта. Саамай сүрүнэ — хоту үлэҕэ сөптөөх төлөбүрү хаалларыы буолар». Хотугу таба иитиитигэр, эрэгийиэн экэниэмикэтин үгэс буолбут суолталаах хайысхатыгар ураты болҕомто ууруллар. Елена Голомарёва цивилизацияттан тэйиччи олорор, инфраструктурата суох сиринэн улахан киэҥ-нэлэмэн сирдэри туоруур табаһыттар олохторун-дьаһахтарын уонна үлэлэрин усулуобуйатын тупсарыахха наадатын бэлиэтээтэ.
«Таба иитиитин бигэ сайдыытын боппуруоһа Федерация Сэбиэтигэр көхтөөхтүк ырытыллар», – диэн кэмитиэт бэрэссэдээтэлэ эттэ. Арктика сылын тэрийии дойду хотугу эрэгийиэннэрин судаарыстыбанан салайыытын тутаах хайысхаларын ырытар, инфраструктура бигэ сайдыытын уонна олохтоох нэһилиэнньэ олоҕун хаачыстыбатын үрдэтиини хааччыйар былаһаакканан буолуоҕа.
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…