Елена Хиль үп миниистирин бастакы солбуйааччытынан ананна
![](https://sakha-sire.ru/wp-content/uploads/2024/07/200eda721319e378c407e044dd11ae677022de71-900x596.jpeg)
Ил Дархан Айсен Николаев от ыйын 24 күнүнээҕи Ыйааҕынан Хиль Елена Юрьевнаны Саха Өрөспүүбүлүкэтин үпкэ миниистирин бастакы солбуйааччытынан анаата.
Елена Хиль үрдүк үөрэхтээх. Приватизация уонна урбаан үрдүкү оскуолатын бүтэрбитэ. Үлэтин СӨ Бырабыыталыстыбатын иһинэн судаарыстыбаннай баайы-дуолу салайыы пуондатын сүрүннүүр исписэлииһин дуоһунаһыттан саҕалаабыта.
СӨ судаарыстыбаннай баай-дуол сыһыаннаһыыларын министиэристибэтин сүрүннүүр исписэлииһинэн, кылаабынай исписэлииһинэн, кэлин АПК, ОДьКХ, СМИ уонна социальнай эйгэ департаменын начааалынньыгынан солбуйааччынан үлэлээбитэ.
2012 сылтан 2022 сылга диэри Саха сирин Счетнай балаататын аудиторынан буолбута. 2022 сыл кулун тутар ыйыттан күн бүгүнүгэр диэри СӨ үбүн министрин солбуйааччытынан үлэлээбитэ.
Сообщить об опечатке
Текст, который будет отправлен нашим редакторам: