Елена Иванова гиирэни анньыыга абсолютнай чөмпүйүөнүнэн буолла

Санкт-Петербург куоракка аан дойду Куубагын түһүмэҕэр 347 атлет 12 дойдуттан гиирэни анньыыга кииристилэр.

Бу улахан күрэхтэһиилэргэ Саха сириттэн хас да төгүллээх чөмпүйүөн, норуоттар икки ардыларынааҕы турнирдар призера, успуорт национальнай көрүҥнэригэр старшай тириэньэрэ уонна Дьокуускай 1 №-дээх оҕо успуорт оскуолатын гиирэни анньыыга преподавателэ Елена Иванова кытынна.

Ол түмүгэр кини 58 кг ыйааһыннаахтарга 24 кг аанньыыга 3-с миэстэни ылла. Куубагы сэргэ Елена Слепцова 16 кг ыйааһыннаах гиирэни анньыыга  «Үрүҥ түүн» аан дойду Куубагын түһүлгэтигэр абсолютнай чөмпүйүөнүнэн буолла.

Ону таһынан кини икки иитиллээччитэ кытынна. Иван Демяник 63 кг диэри ыйааһыннаахтарга 2009-2010 сс. төрүөх уолаттар ортолоругар, оттон Иван Слепцов 2013 с. төрүөх уолаттарга 40 кг үөһэ ыйааһыннаахтарга кытыннылар. Эдэр атлеттар маннык улахан күрэхтэһиигэ бастакы успуорка сүрэхтэниилэрин аастылар уонна үчүгэй түмүктэри көрдөрдүлэр.