Ил Дархан Айсен Николаев дьаһалынан байыаннай эпэрээссийэттэн кэлбит биир дойдулаахтарбытын үлэ миэстэтинэн хааччыйыы сүрүн соругунан буолар. Бу туһунан бүгүн, тохсунньу 17 күнүгэр, ыытыллыбыт брифиҥҥэ СӨ нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ Елена Калашникова иһитиннэрдэ. Кини бэлиэтииринэн, билигин байыаннай эпэрээссийэттэн кэлбит биир дойдулаахтарбыт доруобуйаларын чөлүгэр түһэринэ сылдьаллар, ол эрээри номнуо хас да киһи үлэ көрдөөн эрэрин иһитиннэрдэ.
«Ааспыт 2022 сылга байыаннай дьайыыттан кэлбит сэттэ киһи үлэ ыйыталаспыт уонна номнуо үс киһи идэ ылаары анал үөрэххэ үөрэнэн, икки киһи үлэ миэстэтэ булан үлэлээн эрэллэр», — диэн иһитиннэрдэ Елена Калашникова. Судаарыстыбаннай кэмитиэт бэрэссэдээтэлэ быһаарбытынан, нэһилиэнньэ дьарыктаах буолуутун киинигэр учуокка турбут дьон уйулҕа өттүнэн көмө, ону сэргэ судаарыстыбаннай өҥөнү туһаналлар. Ону таһынан идэ ылыытыгар анал үөрэҕи ааһаллар уонна үлэҕэ киирэллэр. Ол курдук хас биирдии киһиэхэ өрөспүүбүлүкэтээҕи дьарыктаах буолуу киинин филиалларыттан куратор ананар. Кини үлэ көрдөөччүнү арыаллаан үлэ буларыгар көмөлөһөр. Елена Калашникова иһитиннэрбитинэн, федеральнай таһымҥа байыаннай эпэрээссийэҕэ сулууспалаабыт дьону үлэ миэстэтинэн хааччыйыыга хас да быһаарыныы ылыныллыбыт. Олортон биирдэстэринэн, байыаннай сулууспалаах урукку үлэтигэр төттөрү төннөрө буолар. РФ Бырабыыталастыбатын уурааҕынан, байыаннай сулууспалаах баҕа өттүнэн эбэтэр хантараак түһэрсэн, байыаннай эпэрээссийэҕэ барбыт буоллаҕына, страховой ыстааһа икки төгүл үрдээн ааҕыллар буолар.
«Билиҥҥи туругунан өрөспүүбүлүкэ үлэ миэстэтинэн хааччыйар баазатыгар 13 тыһыынча кэриҥэ саҥа үлэ миэстэтэ баар. Өрөспүүбүлүкэбит үлэ биэрээччилэрэ байыаннай эпэрээссийэттэн кэлэр эр дьону кэтэһэллэр. Хас биирдии байыаннай сулууспалаах үлэ буларыгар эрэллээхпин. Ыйытыы үөскээтэҕинэ суһал сулууспа 122 нүөмэригэр эрийэн эбэтэр дьарыктаах буолуу киинигэр сибээскэ тахсыахха сөп«, — диэн этэр Елена Калашникова.
Хаартыска — СИА.
Кулун тутар 21-22 күннэригэр Мэҥэ Хаҥаласка сылгыһыттар, сылгы иитээччилэр күрэхтэрэ уонна племенной хаһаайыстыбалар быыстапкалара ыытыллыахтара.…
Сунтаар киинигэр олорбут, физкультура учууталынан ситиһиилээхтик үлэлээбит быраатым Артур Эдуардович Гермогенов сырдык аатын үйэтитэр “Мин…
Ааспыт нэдиэлэҕэ психологтар өрөспүүбүлүкэ иһигэр уонна госпиталларга баран, 1400 сайаапка киирбититтэн, 1500 кэриҥэ психологическай өҥөнү…
2025 сыл саҕаланыаҕыттан «Сахаэнерго» хампаанньа үлэһиттэрэ юридическай уонна физическэй сирэйдэр ортолоругар электроэнергияны уоруу чахчыларын көрдөөһүҥҥэ…
Бу ураты чуораанчык хатыҥҥа үүнэн турар. Чуораанчык Бүлүү улууһун Үгүлээтигэр Тириэтий Күүлэккэ Муоһааны уонна Былганда…
Саха сирин олохтоохторо анал байыаннай дьайыы байыастарыгар анаан, доруоп сааларын туттарыахтарын сөп. "Росгвардия" управлениета иһитиннэрбитинэн,…