Елена Сергеева-Румянцева кыттыылаах саҥа испэктээккэ көрөөччүлэри күүтэллэр

Былатыан Ойуунускай аатынан Саха тыйаатыра сэтинньи 18, 19 күннэригэр Арассыыйа үтүөлээх, Саха норуодунай артыыската Елена Сергеева-Румянцева үбүлүөйүгэр анаан,  Освальд Заградник пьесатынан “Охсор чаһыы  дуораана” диэн испэктээк премьератыгар ыҥырар.

Аҕа саастаах көлүөнэ эдэр дьоннуун мөккүөрэ икки атахтаах үөскүөҕүттэн баар. Кэм-кэрдии түргэн тэтимин тилэх баттаһар балысхан сайдыы үйэтигэр көлүөнэттэн көлүөнэҕэ бэриллэр үтүө үгэһи утумнуур ситим кэнчээри ыччакка салҕанан бара туруо дуо? Ол кимтэн, туохтан тутулуктааҕый?

Дыраама-кэмиэдийэ  туруорааччы-режиссера: СӨ ускуустубатын үтүөлээх диэйэтэлэ Руслан Тараховскай.

Сценография уонна көстүүмнэр: РФ уонна СӨ ускуустубатын үтүөлээх диэйэтэлэ Лена Гоголева.

Уотунан киэргэттэ Трофим Акимов. 
Муусуканан киэргэттэ Александр Решетников. 
Үҥкүүлэри туруорда: СӨ үтүөлээх артыыската Изабелла Егорова.

Оруолларга оонньуохтара: Кирилл Семенов, Елена Сергеева-Румянцева, Михаил Семенов, Михаил Апросимов, Куприян Михайлов, Эдуард Захаров, Василий Романов, Юлия Санникова, Нарыйа Колесова.

Үҥкүүгэ кытталлар: Ньургун Никитин, Григорий Иванов, Петр Домотов, Сандаара Федотова, Аида Еремеева, Айаана Егорова.  

(Саха тыйаатырын пресс-сулууспатын матырыйаалынан)