Быстах хомуурга хапсыбыттар уонна байыаннай сулууспалаахтар дьиэ кэргэттэригэр, ону тэҥэ 2022 сыл олунньу 24 күнүттэн анал байыаннай соруктары толорууга баҕа өттүлэринэн хантараактаспыт дьон дьиэ кэргэттэрин, бэйэлэрин статустарын ханнык даҕаны ыспыраапкаларынан туспа бигэргэтиэ суохтаахтар.
«Бу процесс ситэриилээх былаас уорганнарын икки ардыларыгар биэдэмистибэлэр хардарыта сыһыаннарынан уонна өрөспүүбүлүкэ байыаннай комиссариатын икки ардыларыгар хааччыллыахтаах«, — диэтэ эрэгийиэн үлэҕэ уонна социальнай сайдыыга миниистирэ Елена Волкова. Саха сирин баһылыгын Айсен Николаев сорудаҕынан быстах хомуурга уонна баҕа өттүлэринэн барбыт хантараактаспыт дьон дьиэ кэргэттэрин өйөбүлэ муҥутуурдук судургутуллуохтаах. Кини өйөбүл миэрэлэрин оҥоруу ханнык да бүрүкүрээттээһинэ суох, кэлимсэ буолуохтаах диэн бэлиэтээбитэ.
Сайабылыанньалары алтынньы 5 күнүттэн оройуоннарга уонна Дьокуускайга баар МФЦ бары офистарыгар уонна e-yakutia.ru судаарыстыбаннай уонна муниципальнай өҥөлөр порталларыгар ылаллар. Маннык докумуоннар наадалар: аймахтыы буоларгын бигэргэтэр докумуон (эр-ойох буолуу туһунан сибидиэтэлистибэ, төрөөбүтүн туһунан сибидиэтэлистибэ), СНИЛС. Ону тэҥэ тус счетун нүөмэрэ.
«Өрөспүүбүлүкэ Ил Дарханын ыйааҕынан чопчуламмыт өйөбүл бары сэттэ миэрэлэригэр сайабылыанньалары кэлимсэ биэриэххэ сөп, ону тэҥэ биэдэмистибэлэр хардарыта сыһыаннаһыыларын бэрээдэгэ бигэргэннэ», — диэтэ миниистир.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…
Бэрдьигэстээххэ «Үрдэл» түөлбэ олохтоохторо Кыайыы 80 сылын көрсө түөлбэлэр икки ардыларынааҕы күрэх чэрчитинэн искибиэри киэргэттилэр.…
Плейстоценовай паарка уонна Биологическай ресурсалар уонна ураты харыстанар сирдэр дириэксийэлэрин испиэлиистэрин эспэдииссийэтэ Анаабыр улууһун Улахан…