Хаартыска уонна видео - Елена Потоцкая
Мэҥэ Хаҥалас улууһуттан адаптивнай успуорт көрүҥнэрин «Дьулуур» 14-с спартакиадатыгар 50-ча доруобуйаларыгар хааччахтаах дьон кэлэн кыттыыны ылбыта.
Кинилэр ортолоругар Покровскайга дуобат күрэхтэһиитигэр кыайан кэлбит Елена Яковлева эмиэ баара. Мин күрэхтэһии бастакы күнүгэр Амма хамаандатын бэрэстэбиитэлин кыайан тахсыбыт спортсменнарын мэҥэлэр уруйдуу көрсүбүттэрин кэннэ, киниэхэ чугаһаан кэпсэппитим.
2-с группалаах инбэлиит Елена Степановна өссө да 7-8 хамаанданы кытта киирсиэхтээхпин диэн бойобуой санаалаах этэ. «Хамаандабар хайаан да кыайыыны уһансыахтаахпын», — диэн санаалаах киһини кытта кэпсэтэ туран, ааранан бэйэм ити соругу ситиһиэхтээх курдук санаммытым. Сэһэргэһээччим «Биһиэхэ, инбэлииттэргэ, маннык спартакиадалары тэрийэллэрэ олус наада. Мин күрэхтэһии буолла да, олох тиллэ, уһукта түһэбин. Сүүрүүттэн ураты барытыгар кыттабын: ыллыахпын да, уруһуйдуохпун да, тойуктуохпун да сөп. Интэриэһим элбэх. Онон олоххо олус көхтөөх киһибин», — диэн бэлиэтээбитэ.
Бу Елена Яковлева курдук дьонноох буолан, «Мэҥэлэр хайа үрдүгэр» диэн бэргэн этии дьон уоһуттан түспэт буоллаҕа.
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар. "Ньурбаҕа ардах…
Булуҥ оройуонун суута 37 саастаах Эдьигээн оройуонун олохтооҕор бириигибэрин таһаарда. Эр киһи соруйан доруобуйаҕа ыарахан…
Улан-Удэ куоракка ыытыллыбыт норуоттар икки ардыларынааҕы уонна Бүтүн Арассыыйатааҕы гиирэ успуордун турнирыгар Нам улууһун "Олимпик"…
Дьаҥ-дьаһах сатыылыыр. Хайа эрэ оскуолаҕа харантыын тохтоон, оҕолор үөрэнэ тахсалар. Оттон Хаҥалас улууһун П.С.Скрябин аатынан …
Бу күннэргэ Хаҥалас улууһун 2-с Малдьаҕар бочуоттаах олохтооҕо, байыаннай дьайыы кыттыылааҕа, «Саха Боотур» диэн уол…
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха…