Өлөрөргө соруммут киһи холуобунай дьыалата суукка ыытылынна

Силиэстийэ сабаҕалыырынан, 1968 сыллаах төрүөх, түптээн олорор сирэ суох киһи 2025 сыл от ыйын 26 күнэ үүнэр түүнүгэр итирик сылдьан, оробуочайынан үлэлиир  ритуальнай киинигэр хоно кэлбит.

Манна эмиэ итирик туруктаах бииргэ үлэлиир киһитин кытары айдаарсан баран, көхсүгэр быһаҕынан сэттэтэ анньыбыт. Эмсэҕэлээбит киһи өйүн сүтэрбит. Буруйу оҥорооччу быһаҕынан аспыт киһитин өллө быһыылаах дии санаан тохтообут. Эмсэҕэлээччигэ мэдиссиинэ көмөтө оҥоһуллубут.

Борокуруор холуобунай дьыаланы суут көрүүтүгэр ыытта.