Хаартысканы Тускулаана ГОРОХОВА-КОБЕЛЬЯНОВА тиксэрдэ
П.Х.Староватов аатынан Элгээйи оскуолата быйыл 150 сыла. Бу саас «Пеший поход: родные просторы» барылынан Арассыыйатааҕы «Билии» уопсастыба күрэһигэр кыайбыттара. Онон Элгээйи-Дириҥ Күндэ-Кутана-Толоон айан суолунан сатыы бараллар.
Бүгүн сэттэ учууталы кытта үөрэнээччилэр отучча буолан хаамыыны саҕалаатылар. Хонуктарыгар Дириҥ Күндэҕэ тиийдэхтэринэ кинилэри оскуола үлэһиттэрэ көрсүөхтэрэ, онно тиийэн балыктыахтара.
Үбүлүөйгэ анаан бырааттыы Ариан, Аким Кондратьевтар, Күндэ олобурдарынан айан тэриллэн Кутанаҕа тиийэн түмэл көрүөхтэрэ, оскуола оҕолорун кытта көрсүөхтэрэ, айаннарын устата элбэҕи билиэхтэрэ. Сүрүн сирдьит Сунтаар — Дьокуускай айан суолун тэлбит Савва Винокуров буолар, бу барыл ааптардара эдэр учууталлар Айгыына Игнатьева уонна Юлия Лаптева.
Иллэрээ сыл Петр Староватов 150 сылынан бу курдук сатыы хаамыыны Элгээйиттэн өрүһүнэн быһалыы Маар Күөлгэ тахсыбыттара, онтон Уһун Күөлгэ, Тойбохойго, Кириэстээххэ, Соколинайга тиийэ сылдьыбыттара. Бу сырыыттан саҕыллыбыт сатыы айан Староватов, онтон Киргиэлэй Павлов — Төкүнүк үтүө үгэс оҥостубут суолларын салгыыр. Оҕолор сарсын киэһэ төннөн кэлэн дьиэ кэргэн киэһээҥҥи сандалытыгар, онтон атастарыгар, доҕотторугар элбэҕи да кэпсиэхтэрэ буоллаҕа, олохторун устата умнуллубат түгэн олохтонуоҕа, улахан үөрэх буолуоҕа!
Тускулаана ГОРОХОВА-КОБЕЛЬЯНОВА, балаҕан ыйын 16 күнэ, 2025 сыл
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…