Хаартыска: Т.Горохова-Кобельянова тиксэриитэ
Учуутал, кыраайы үɵрэтээччи, Үлэ Дьоруойа Петр Староватов аатынан Элгээйи оскуолата быйыл 150 сыла.
Бэлиэ сылга оскуола аттыгар «Учууталлар тулаһалара» оҥоһуллан силигин ситиэҕэ. Бу күннэргэ манна Петр Староватов, Дмитрий Сивцев бүүстэрин аҕаллылар.
Оскуоланы быйыл 23 оҕо бүтэрэр, онтон 12 оҕото педагогическай бɵлɵххɵ үɵрэнэр. Былырыын саҥа арыллыбыт кылаас оҕолору сайыннарыыга элбэх үлэни ыытар, идэ арааһын билиһиннэрэр. Технология уруогар оҕолор саҥа технологияны баһылаан лазерынан харысхаллары, үбүлүɵйгэ бэлэмнэнэн ɵйдɵбүнньүктэри оҥороллор. Соторутааҕыта байыаннай дьайыыга сылдьар уолаттарга анаан харысхаллары оҥорон ыыппыттара.
Оҕолор үлэ уруогар элбэххэ үөрэнэллэр. Иистэнэллэр, уруһуйдууллар, ураннык оҥоро үөрэнэллэр. Онно «Точка роста» хос сүрүн күүс буолар. Билигин оҕолор 3D уруучуканан «Элгээйи 150 сыла» диэн хаартыскалаах араама оҥоро сылдьаллар. 200 үɵрэнээччилээх, 62 үлэһиттээх оскуола үйэтитиигэ эмиэ улахан болҕомто ууруоҕа. Ол курдук, Татьяна Григорьева уонна Альбина Иванова кинигэҕэ үлэлэһэллэр. Бу күннэргэ оскуолаҕа Үөрэх министиэристибэтэ кɵлɵ бэлэхтээтэ. ϴрɵгɵй бэлиэ сылга оскуоланы бүтэрбиттэр, үлэлээбиттэр, учууталлар, үɵрэнээччилэр түмсэннэр араас таһымнаах үлэни кыайа тутуохтара.
Тускулаана ГОРОХОВА-КОБЕЛЬЯНОВА,
Сунтаар, Элгээйи.
Хаартыскалар: Т.Горохова-Кобельянова тиксэриилэрэ
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…