Хаартысканы Тускулаана ГОРОХОВА-КОБЕЛЬЯНОВА тиксэрдэ
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр куойкалаах, ол иһигэр биэс миэстэтэ гериатрия, үс терапия, икки оҕолор, ону таһынан икки күнүскү куойка баар.
Манна Элгээйи өттүнээҕи нэһилиэктэр бары көрдөрүнэллэр, эмтэнэллэр, чэбдигирэллэр. Анаалыс бары көрүҥүн толору оҥорор буолбуттара улахан үөрүү, нэһилиэк дьоно диспансеризацияны кытта ааһаллар. УЗИ, физиотерапия, акушер, стоматолог, терапевт, педиатр, процедурнай, суһал анаалыс лабораторията, рентген хоһо күн ахсын тиһигин быспакка үлэлии тураллар. Сып-сырдык, ып-ыраас, толору хааччыллыылаах дьиэҕэ-уокка киһи эрэ үлэлиэн курдук.
Сытар балыыһаҕа көрсүбүт дьонум саҥа балыыһа тупсаҕайа, сырдыга, сылааһа, бэл диэтэр сылаас муосталааҕа астык диэн санааларын үллэстэллэр. Лабораторияҕа оборудование арааһа баар, биохимическай хаан анаалыһын, коагулологическай чинчийиини кытта оҥорор буолбуттар. Манна фельдшер лаборант уонна УЗИ быраас миэстэтэ эбии көрүллэн доруобуйа харыстабылыгар улахан болҕомто ууруллар. Бу сылдьан 1998-2000 сылларга кылаабынай бырааһынан үлэлээбит, бу иннинээҕи икки мэндиэмэннээх мас балыыһа тутуутугар улахан өҥөлөөх Антонина Гаврильева аҕыйах хонуктааҕыта терапевт бырааһынан үлэлии кэлбитин көрүстүм. Көрсүбүт эрэ бары үлэһитим саҥа балыыһаларыттан олус астына сылдьаллар.
Таммах Өксүү доруобуйатын чэбдигирдэ гериатрияҕа сытар эбит: «Балыыһа олус үчүгэй, үлэһиттэрэ да үөрэ-көтө эмтииллэр, физио эмтээһин, ЛФК үрдүк категориялаах медсестрата Надежда Иванова бастыҥ массажист«, — диэн хайгыы санаатын үллэһиннэ.
Бүгүн үгүс үлэһиттэр дьиэ таһыгар субуотунньуктаан киирдилэр. Салайааччы Светлана Конобулова саҥа дьиэ итэҕэстэрин-быһаҕастарын көрөн-истэн тутааччыны кытта күннэтэ үлэлэһэ олорорун, араас көннөрүү, тупсарыы үлэтэ барыахтааҕын, ону кытта тутааччы «Северо-Восток Строй дизайн» тэрилтэ, салайааччы Иван Сахаров бары оборудованиены бэркэ көрөн ылбытын, олус хаачыстыбалаах, сыаналаах тэриллэр кэлэн турбуттарын бэлиэтээтэ. Саҥа балыыһабыт элбэх киһиэхэ көмө, чэгиэн олох тирэҕэ буоллун!
Тускулаана ГОРОХОВА-КОБЕЛЬЯНОВА
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…