Хаартыскаларга Андрей Сорокин түһэриилэрэ. СИА
СӨ Ил Дархана Айсен Николаев олунньу 11 күнүгэр «УК «ЭЛСИ»Элгэтээҕи чох хостуур комплекска сырытта. Ааспыт 2022 сылга хампаанньа 20 мөлүйүөн туонна чоҕу хостообут. Быйылгы сылга 26 мөлүйүөн туонна чоҕу хостууру былаанныыр, оттон 2025 сылга — былааны 45 мөл. тн. улаатыннарар санаалаахтар.
Ил Дархан 4 уонна 5 №-дээх саҥа фабрикаларга сырытта. Бу фабрикалар оҥорон таһаарар кыамталара cылга 3,5 мөлүйүөн туонна буолар.
«Элгэтээҕи чох хостуур комплекс өрөспүүбүлүкэҕэ көхтөөхтүк сайдар биир бырамыысыланнай бөдөҥ хампаанньанан буолар. Билиҥҥи экэнэмиичэскэй усулуобуйаҕа уонна арҕаа дойдулар сааҥсыйаларын кэмигэр, хампаанньа чох хостооһунун улаатыннарар уонна үлэ этэҥҥэ салаллан иһэригэр сөптөөх усулуобуйаны тэрийэр. Өрөспүүбүлүкэбит экэниэмикэтигэр төһүү күүс буолар «, — диэн этэр Ил Дархан.
Элгэтээҕи чох хостуур комплекс салайар дириэктэрэ Инна Лосюк бэлиэтииринэн, «УК «ЭЛСИ» биир фабрикатын былырыын ахсынньы ыйга үлэҕэ киллэрбиттэр. Оттон иккиһин бу тохсунньуга.
«Маны сэргэ, 2023 сылга эбии үс фабриканы үлэҕэ киллэрэр былааннаахпыт. Онон 2023 сыл түмүгүнэн, Элгэтээҕи чоҕу хостуур хампаанньа биэс фабрикаланыаҕа», — диэн Инна Васильевна иһитиннэрбит.
ХЭТ «УК «ЭЛСИ» Арассыыйаҕа улахан бырайыагы олоххо киллэрэр. Элгэтээҕи чох хостуур комплекс бэйэтин иһигэр чоҕу хостуур, байытар, тырааныспарынан тиэрдэр уонна үрдүк хаачыстыбалаах чоҕу атыылыыр хас да бөлөҕү илдьэ сылдьар. Элгэтээҕи чох хостуур сир саппааһа JORC сыаналааһынан, 2,2 миллиард туонна буолар. Манна кытаанах чох (коксаламмыт) хостонор.
Андрей Сорокин хаартыскаҕа түһэриилэрэ.
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…