Хаартыска: Саха тыйаатырын пресс-сулууспата
Былатыан Ойуунускай аатынан Саха тыйаатыра ыам ыйын 8 күнүгэр 17:00 чаастан Чингиз Айтматов айымньытынан “Ийэ сирэ” испэктээгин Саха Өрөспүүбүлүкэтин үтүөлээх артыыската Елизавета Потапова үбүлүөйүгэр анаан туруорар.
“Ийэ сирэ” испэктээги аан бастаан 1965 сыллаахха режиссер Федот Потапов туруорбута. Онтон ыла биллиилээх режиссер биир бастыҥ туруоруутун иккитэ: 1995 уонна 2004 сылларга сөргүтэн, көрөөччү дьүүлүгэр таһаарбыттара.
Кэнники туруорууга өлбөт-сүппэт аналлаах Толгонай оруолун Елизавета Потапова аан бастаан аҕата, Арассыыйа уонна Саха Өрөспүүбүлүкэтин үтүөлээх артыыһа, режиссер Федот Потапов 75 сылыгар анаан толорбута.
Саха тыйаатырын Арассыыйа киэҥ туонатыгар таһаарбыт испэктээктэртэн биирдэстэрэ “Ийэ сирэ” — сыанаҕа туруоруллубута быйыл 58 сыла. Ол тухары сэрии аас-туор олоҕун, кытаанах үлэтин, сэрииттэн эргиллибэтэх уолаттарын ыар аһыытын санныгар сүкпүт ийэ, Толгонай барахсан уобараһа эйэлээх олох туохха да тэҥнэспэт күндүтүн, үлэ, төрөппүт оҕо киһи олоҕун муҥутуур дьоло буоларын хас саас ахсын хас биирдии көрөөччүгэ, дьоҥҥо санатар. Үтүө санаалаах Толгонай олох, таптал мэктиэтэ буолан, Сир ийэлиин бииргэ тыллан хас биирдии сүрэххэ эрэли саҕар.
Күндү көрөөччүлэр, Елизавета Потапова дьоро күнүгэр кэлиҥ, сылдьыҥ, таптыыр артыыскаҕытын кытта бииргэ буолуҥ!
БЫҺААРЫЫ:
Режиссер Федот Потапов, худуоһунньук Владимир Иванов оҥорбут испэктээктэрин режиссер Василий Фомин сөргүтэн туруоруута.
Б.Львов-Анохин инсценировката
Режиссер ассистена — Зоя Багынанова
Михаил Егоров сценографията
Дария Дмитриева көстүүмнэрэ
Владимир Пестряков муусуканан киэргэтиитэ.
Дьокуускайга тэллэйдии сылдьан муммут ыалы -- икки кыыс оҕолоох аҕаны буллулар. Бу туһунан СӨ Быыһыыр…
Өймөкөөн улууһугар өрүстэр уонна үрэхтэр хааларыттан тахсан, оройуоҥҥа ыксаллаах быһыы-майгы эрэсиимэ биллэрилиннэ. Улуус баһылыга Александр…
Өймөкөөн улууһугар 120-ттэн тахса тиэргэҥҥэ уу киирэн, 70-ча дьиэ ууга барда. Орто Балаҕан, Куйдуһун, Биэрэк…
ХИФУ устудьуона Валерия Непомнящая Дьокуускайга Сайсары күөлгэ оҕолордоох куһу бэлиэтии көрөн, видеоҕа устубут. Валерия хаартыскаҕа…
Бүгүн, от ыйын 16 күнүгэр, сарсыарда СӨ Быыһыыр сулууспатын исписэлиистэрэ Дьокуускайга ойуурга сүппүт эр киһини…
От ыйын 13 күнүгэр Өлүөхүмэ улууһун Чапаево сэлиэнньэтин таһыгар бэлиэтэммит ойуур баһаара бохсуллубутун туһунан баһылык…