Хаартыскаҕа Андрей Сорокин түһэриитэ, СИА
«ЭЛСИ» хампаанньа Тиихэй акыйааннааҕы тимир суолу тутар кирбиини куоһарда.
«ЭЛСИ» хампаанньа Элгэтээҕи чох хостуур сир өттүттэн 140 км, Хабаровскай кыраай Манорскайдааҕы тумустан — 60 км сири-уоту оҥорон, 200 км усталаах Тиихэй акыйааннааҕы тимир суолу тутта. Бу туһунан СӨ Ил Дархана Айсен Николаев «УК «ЭЛСИ» Элгэтээҕи чох комплексын эбийиэктэригэр үлэтинэн сылдьан көрсүһүүгэ иһитиннэрдэ.
Суолу үлэҕэ киллэрии 2026 сылга былааннанар. Тимир суол Арассыыйаҕа саамай уһун тимир суол магистрала буолуоҕа уонна АТР дойдуларыгар сылга 30 мөл. тн диэри чоҕу тиэрдиэҕэ. Тиихэй акыйааннааҕы тимир суолу тутуу кэнниттэн, суол уопсай уһуна Элгэ-Улак салааларын киллэрэн туран, 1300 км. кэриҥэ буолуоҕа.
«Элгэҕэ мин элбэхтик сылдьабын, манна үс сыл иһигэр туох оҥоһуллубутун сөҕө көрөбүн, – диир Ил Дархан. — Эрэгийиэн салайааччытын быһыытынан уонна дойдубут салалтатыттан эмиэ улахан махталбын тиэрдиэхпин баҕарабын. Биһиги Бэрэсидьиэммит Владимир Владимирович Путин бу бырайыагы билэр, мэлдьи сэргиир, өйүүр, олоххо киллэрэргэ көмөлөһөр. Эһиги дойдубутун бөҕөргөтөҕүт. Үлэҕэ үөрүйэххит, дьаныаргыт Элгэҕэ сотору кэминэн дойдуга саамай бастыҥ производственнай чох комплексын тэрийэргэ кыаҕы биэрэригэр эрэнэбин». СӨ Ил Дархана Элгэтээҕи чох хостуур комплекс үлэтин-хамнаһын, оҥорон таһаарыыны, үлэ кыамтатын көрдө-иһиттэ, билистэ.
«Хампаанньа үлэни-хамнаһы күүһүрдүүнү, улаатыннарыыны тиһиктээхтик салгыыр. Манна оҥорон таһаарыы көдьүүһүн үрдэтиигэ улахан бырагыраама үлэлиир. Хампаанньаҕа хайа үлэтигэр күүстээх тэрили, автоматизацияны киллэриигэ үлэ бара турар», — диэн «Эльгауголь» хампаанньа салайар дириэктэрэ Иннокентий Лосюк иһитиннэрдэ.
2023 сылга уопсайа сылга 17,5 мөл. тн хостуур үс саҥа фабриканы үлэҕэ киллэрэри былаанныыллар. Онон бу сыл түмүгүнэн манна уопсайа биэскэ тиэрдэр сорук турар. Саха сирин баһылыга Айсен Николаев Элгэтээҕи чох хостуур комплекс кэлэктиибин күүтүүлээх бэлиэ күннэринэн — Шахтер күнүнэн истиҥник эҕэрдэлээтэ уонна наҕараадалары туттарда.
Сиһилии https://sakha.gov.ru/news/front/view/id/3368477
СӨ Ил Дарханын уонна Бырабыыталыстыбатын пресс-сулууспата
Бу күннэргэ күн-дьыл туруга хайдаҕый? Өлөөн, Анаабыр, Булуҥ улуустарыгар кыралаан хаардыыр. Киин, соҕуруу, соҕуруулуу-арҕаа улуустарга…
Дьокуускайга 1-8 кылаас үөрэнээччилэригэр актированнай күн биллэрилиннэ. Бүгүн, ахсынньы 15 күнүгэр, Дьокуускайга 1-8 кылаас үөрэнээччилэригэр…
Айылҕа соһутар. Аллараа Халыма оройуонугар, Черскэйгэ, ардах түстэ. Бэҕэһээ киэһээ маннык устубуттара тиийэн кэллэ. Бэлиэтииллэринэн…
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…