Хаартыска РФ ЫБМ Саха сиринээҕи управлениетыттан
Өлүөхүмэ уонна Алдан улуустарыгар Ми-8 бөртөлүөт уонна Бе-200 салгын аала ойуур уотун умуруорууга үлэлээтилэр.
Салгын ааллара 226 туонна ууну куттулар диэн РФ ЫБММ Саха сиринээҕи управлениетын пресс-сулууспатыттан иһитиннэрдилэр диэн СИА суруллар.
«Дабааҥҥа РФ МЧС уонна эрэгийиэн Быыһыыр сулууспатын үлэһиттэрэ, Ми-8 бөртөлүөт уоту умуруорууга үлэлээтилэр. Алдаҥҥа Бе-200 салгын аала үлэлээтэ. Иккис Ми-8 бөртөлүөт Алдан улууһугар Кутанаҕа Арассыыйа ЫБММ тус састаабын тиэртэ», — диир ЫБММ Саха сиринээҕи управлениетын начаалынньыга Павел Гарин.
РФ ЫБММ Саха сиринээҕи управлениетын ураты хонтуруолугар уопсайа сэттэ ойуур баһаара баар. Ойуур баһаардара Ленскэйгэ Турукта, Нерюнгрига Хани, Өлүөхүмэҕэ Бэс Күөл, Дабаан, Куду Күөл, Үөһээ Бүлүүгэ Андреевскай уонна Алдаҥҥа Кутана таһыгар бэлиэтэнэллэр.
Дабаан таһыгар баар баһаар 2 175 га иэннээх сиргэ бохсуллубут. Баһаары умуруорууга 151 киһи уонна 14 көлө үлэлээбит. Ойуур баһаарын утары 4,7 км. сир хаһыллыбыт. Маны сэргэ, Куду Күөл диэки 115 га иэннээх баһаар бохсуллубут.
Авиалесоохрана иһитиннэрбитинэн, Саха сирин сиригэр-уотугар 121 ойуур баһаара бэлиэтэнэр. Уот хаппыт уопсай иэнэ 323 тыһ.га. Суукка устатыгар 10 ойуур баһаара умуруоруллубут (уопсай иэнэ 31,1 тыһ.га). Баһаары умуруорууга барыта 1 737 киһи, 107 көлө үлэлээбит.
Дьулус бүгүн тренажернайга эрчиллэн эрдэ бүттэ. Тахсаары туран тымныы уунан сууммут буолан, этэ-сиинэ хаһааҥҥытааҕар да…
Ааспыт кыһын тохсунньуга, томороон тымныы түһэн турдаҕына «Өймөкөөн – Тымныы полюһа” бырайыакка таһырдьа уһуну сүүрүүгэ…
Оһуокай өрөспүүбүлүкэтээҕи уопсастыбатыгар ураты куоластаах, тыллаах-өстөөх, тойуктаах үҥкүү тылын этээччилэр бааллар. Ол курдук, Күөх Ньурбаттан…
Харчы олоххо тирэҕи биэрэр, сарсыҥҥы күҥҥэ эрэли үөскэтэр. Биһиги сатаан суоттанар, аттарынар буоллахпытына, оҕобутун харчыны…
Бэҕэһээ, алтынньы 5 күнүгэр, Алдан уонна Ленинскэй икки ардыгар суол саахалыгар пассажир дьахтар эчэйбитин туһунан…
Аныгы үйэҕэ икки бастаах кыыл дуу, ньирэй дуу төрөөбүт буоллаҕына, һуу-һаа буолан социальнай ситими толорон…