Хаартыска: Өлүөхүмэ Киин балыыһатын тиксэриитэ
“Доруобуйа харыстабыла” национальнай бырайыак доруобуйа харыстабылын бастакы сүһүөх звенотун модернизациялааһын бырагырааматын олоххо киллэриинэн, Саха сирин улуустарын Киин балыыһалара саҥа мэдиссиинискэй тырааныспардарынан хааччыллаллар.
Өлүөхүмэ улууһун Оройуоннааҕы киин балыыһата 2022 сыл устата үс саҥа УАЗ массыынаны ылбыта.
Оройуоннааҕы киин балыыһа кылаабынай бырааһа Анна Гаврильева иһитиннэрбитинэн, бырагыраама мэдиссиинискэй үлэһиттэргэ улахан көмөлөөх буолла. Өлүөхүмэ эмчиттэрэ мобильнай биригээдэ тэринэн, саҥа массыыналарынан улуус нэһилиэктэригэр тиийэр буоллулар. Өлүөхүмэ улууһугар 15 ыраах сытар сэлиэнньэҕэ кыһыҥҥы суолунан эрэ тиийэҕин.
Ол курдук, бу сыл саҕаланыаҕыттан ыраах сытар нэһилиэктэргэ улахан дьоҥҥо уонна оҕолорго 30-тан тахса ыарыыны сэрэтэр мэдисиинискэй чинчийиини уонна диспансеризацияны ыыттылар. Балыыһа “узкай” идэлээх исписэлиистэрэ көһө сылдьар мэдиссиинискэй тэриллэрин, ол иһигэр ФЛГ-аппараатын илдьэ сылдьаллар.
Оройуоннааҕы киин балыыһа кылаабынай бырааһа Ил Дархан Айсен Николаев өрөспүүбүлүкэ хас биирдии олохтооҕун, ыраах сытар сэлиэнньэҕэ эбэтэр куоракка олороруттан тутулуга суох, хаачыстыбалаах мэдиссиинискэй өҥөнөн хааччыйар соругу туруорбутун санатта:
«Өрөспүүбүлүкэ салалтата бастакы сүһүөх звено систиэмэтэ сайдыытын өйүүрэ, аныгы мэдиссиинискэй тэриллэринэн хааччыйара кэрэхсэбиллээх. Билигин нэһилиэнньэҕэ от күөх дьураа уонна “Доруобуйа сулууспата” сурук биллэр бэлиэнэн буолар. Тыһыынчанан махталлаах эмтэнээччилэр, араас ыарыыта эрдэ биллибит 100-чэ киһи, өрөспүүбүлүкэ мэдиссиинискэй тэрилтэлэригэр эбии көрдөргө 200-тэн тахса туһаайыы-сурук, балыыһаҕа эмтэнэн үтүөрүү – бу Өлүөхүмэ улууһун быраастарын көһө сылдьар биригээдэтэ ыраах сытар сэлиэнньэлэргэ тиийэн үлэлээбит түмүгүн сорҕото эрэ. Быраастар, мэдиссиинискэй сиэстэрэлэр, биэлсэрдэр үлэлэрин түмүгэ. Биһиги тиийэрбит туһунан сэлиэнньэ олохтоохторугар эрдэ иһитиннэрэбит. Дьон бэйэтин доруобуйатыгар сөптөөхтүк уонна эппиэтинэстээхтик сыһыаннаһар буолбут. Ити ыарыыны сэрэтэр, иһитиннэрэр үлэ үрдүк таһымнаахтык ыытылларын көрдөрөр”.
Саҥа массыыналар ону сэргэ эми-тому, анаалыстары, эмтэнээччилэри балыыһаҕа тиэйэргэ, балыыһа атын да наадаларыгар туһаныллаллар.
Быһаарыы:
2018-2022 сылларга Саха сиригэр доруобуйа харыстабылын бастакы сүһүөх звенотун сайыннарыы бырагырааматынан 229 массыына (ол иһигэр, 16 көһө сылдьар комплекс), 663 мэдиссиинискэй тэрил (ол иһигэр, 93 “ыарахан тэрил”) атыылаһылынна.
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…