Хаартыска: СӨ Ил Дарханын уонна бырабыыталыстыбатын пресс-сулууспата
Өлүөхүмэ улууһугар 3 тыһыынчаттан тахса сүөһүнү куттала суох сиргэ көһөрдүлэр.
Ыам ыйын 13 күнүнээҕи чахчынан, улууска 1287 (64%) ынах сүөһүнү уонна 1716 (83%) сылгыны быстах кэмҥэ көһөрдүлэр. Халааҥҥа түбэһиэн сөптөөх нэһилиэктэргэ барыта холбоон 4 тыһыынчаттан тахса ынах уонна сылгы баар. Бу туһунан Тыа хаһаайыстыбатын министиэристибэтэ иһитиннэрэр.
Улуустааҕы тыа хаһаайыстыбатын управлениета иһитиннэрбитинэн, халаан кэмигэр Кыыллаахха 28 сүөһү өллө. Уопсайа бу нэһилиэккэ 754 ынах сүөһү, 649 сылгы баар. Бу сүөһүнү барытын быстах кэмҥэ куттала суох сиргэ көһөрдүлэр. 70 ынах сүөһүлээх (онтон 42-тэ ыанар ынах) бааһынай хаһаайыстыба салайааччыта Николай Ефремов бэлиэтээбитинэн, халаан буолар куттала баарын эрдэттэн биллэрбиттэр. Онон сүөһү аһыыр отун, үлэ миэстэтин үрдүк сиргэ олохтообуттар. Мобильнай дизель генераторын холбоон, ынахтарын ыыр кэмнэригэр ыан, астаан, үлэ тэтимэ тохтообот.
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…
Саха сиригэр устудьуоннар оҥорбут спутниктара -- "Чолбон" аппараат космоска тахсан, бастакы сигналын биэрдэ, баарын биллэрдэ.…