Өлүөхүмэ олохтооҕо — Арассыыйа Дьоруойа

Арассыыйа Федерациятын Дьоруойун аата Саха сирин өссө биир олохтооҕор – Өлүөхүмэ куорат  2 нүөмэрдээх орто оскуолатын бүтэрбит, муора пехотатын гвардиятын хапытаана Дмитрий Куценкоҕа иҥэриллибитин туһунан кини биир дойдулаахтара SakhaNews  иһитиннэрдилэр.

Оборона министиэристибэтин саайтыгар иһитиннэрбиттэринэн, Дмитрий Куценко пехотинецтарын  кытары босхоломмут нэһилиэнньэлээх пууннартан биирдэстэрин таһыгар националистар дьайыыларын тохтотор сорудахтары толорбуттара. Кинилэр  Дмитрий Куценко хамаандатынан утарсааччы күүһүн учуоттаан, үөрүйэхтэрин уонна сатабылларын туһанан, 10 чаастан ордук кэм устата националистар атаакаларын тохтоппуттара уонна өстөөх 4 бронированнай тиэхиньикэтин уонна боевиктары суох оҥорбуттара.

Дмитрий Куценкоҕа ону сэргэ подполковник званиета иҥэрилиннэ.