Өлүөхүмэ олохтооҕо киһи өлүүлээх суол быраабылатын кэһии иһин сууттанна

Өлүөхүмэ улууһун борокуратуурата Өлүөхүмэ куоратын олохтооҕо РФ Холуобунай кодексын 264 ыстатыйатын 4 чааһын «а, в» пууннарынан (массыынаны салайар киһи суол быраабылатын кэһиитэ, сэрэҕэ суох быһыыга-майгыга киһи өлүүтүн таһаарбыта, итирик туруктаах, тырааныспары салайар бырааба суох уруулга олоруу) судаарыстыбаннай буруйдааһыны өйөөтө.

Суут быһаарбытынан, буруйдаах киһи итирик туруктаах уонна тырааныспары ыытар бырааба суох, аһара түргэнник айаннаан иһэн, суолга сытар киһини тэпсэн ааспыт диэн СӨ Борокуратуурата иһитиннэрэр. Суол быһылаанын түмүгэр эмсэҕэлээбит киһи эт-хаан ыарахан эчэйиитин ылан миэстэтигэр тыына быстыбыт.

Судаарыстыбаннай буруйдааччы ирдэбилин учуоттаан, суут эр киһини 4 сылга көҥүлүн быһарга уонна 2 сыл устата тырааныспары ыытар быраабын быһарга, холуонньа-поселениеҕа олордорго уураахтаата.

Сууттаммыт киһи «Тойота Чайзер» массыыната судаарыстыба туһатыгар былдьанна.

Суут бириигэбэрэ сокуоннай күүһүгэр киирэ илик уонна өрүттэр ааһыныахтарын сөп.