Өлүөхүмэ оройуонугар аҕам саастаах эр киһи дьиктитик сүппүт

Көрдүүр тэрээһиннэр тэрилиннилэр. Саха сирин Быыһыыр сулууспата иһитиннэрэринэн, ыам ыйын 5 күнүгэр икки эр киһи Сайылык диэн сиргэ тахсыбыттар эбит.

Биир киһи балааккаҕа эбиэт күөһүн буһара хаалбыт. Иккис эр киһи лааҕырга төннөн кэлбитигэр табаарыһа миэстэтигэр суох буолан биэрбит. Балааккаттан быһах, суотабай төлөпүөн сүппүт. Онуоха 65 саастаах эр киһи быстах кэмҥэ тахсыбытын курдук, табаҕын ылбатах. Доҕоро эрийэ сатаабыт да, эр киһи төлөпүөнүн ылбатах. Эр киһи өр кэм устата кэтэһэ сатаан баран, Троицкай сэлиэнньэҕэ төннүбүт уонна киһи сүппүтүн туһунан тыллаабыт. «Көрдүүр дьаһаллар тэрилиннилэр. Салгын температурата +14 кыраадыс, кыра былыттаах», — диэн Саха сирин Быыһыыр сулууспатыгар бэлиэтээтилэр.