Өлүөхүмэ оройуонугар ньиэп бородууктата тохтубут сиригэр бүөлүүр буоннары туруордулар
![](https://sakha-sire.ru/wp-content/uploads/2024/06/2024-06-17_11-23-34.jpg)
Өлүөхүмэ оройуонугар Өлүөнэ өрүскэ Хоро сэлиэнньэтин аннынан ньиэп бородууктата тохтубут сиригэр бүөлүүр буоннары туруордулар. Сорбенынан ыраастаатылар.
Саха сирин Гражданскай оборонаҕа уонна нэһилиэнньэҕэ куттал суох буолуутун хааччыйыыга министиэристибэтэ иһитиннэрбитинэн, ньиэп баржатыгар тиэйиигэ Өлүөнэ өрүскэ тохтубут ньиэп бородууктата Өлүөхүмэ оройуонун Хоро сэлиэнньэтигэр тиийбит.
Саха сирин Быыһыыр сулууспатын, Өлүөнэтээҕи холбоһуктаах өрүс пароходствотын үлэһиттэрин, олохтоох дьаһалта уонна нэһилиэнньэ күүһүнэн ньиэп салгыы тэнийэн барыытын тохтотууга Хороттон аллараа 10 килэмиэтирдээх Советская Курья сиргэ үлэ ыытылынна.
Бүөлүүр буоннары туруордулар, сорбенынан ыраастаатылар. Бэс ыйын 18 күнүгэр “Ракета” теплоходунан эбии оборудование уонна ыраастыыр сириэстибэ тиийиэҕэ.
Сообщить об опечатке
Текст, который будет отправлен нашим редакторам: