Хаартыска: minobrnauki.sakha.gov.ru
Бырааһынньык иннинэ Дьокуускайтан Үөрэх уонна билим миниистирэ Нюргуна Соколова уонна Идэҕэ үөрэтиини сайыннарар институт бэрэстэбиитэллэрэ састааптаах дэлэгээссийэ Өлүөхүмэ тиэхиньикумугар үлэ хаамыытынан киирэ сырытта.
Нюргуна Афанасьевна тиэхиньикум кэлэктиибин кытта көрүстэ уонна үөрэх сайдыытын сүрүн хайысхаларын ырытта, салгыы хардарыта үлэлэһии суолларын ыйда. Миниистир саҥа биридимиэттэр киирэллэрин санатта уонна идэҕэ эрдэттэн туһаайар үлэни (профориентация) ыытар суолталааҕын бэлиэтээтэ.
Кини оробуочай сырыытын иитинэн “ньиэп, гаас дьыалата” хайысха идэ сатабылыгар үөрэтэр анал хоһун көрдө. Санатан эттэххэ, “Сахатранснефтегаз” хампаанньаны кытта бииргэ үлэлэһиигэ сөбүлэҥ түһэрсэн, былырыын кулун тутарга ньиэп, гаас салаатын инники исписэлиистэрэ хаачыстыбалаахтык бэлэмнэнэллэрин туһугар, үөрэнэр кэбиниэт өрөмүөннэммитэ.
Итини таһынан, дэлэгээссийэ Өлүөхүмэ тиэхиньикумун баазатыгар баар Саха сирин технопааркатын IT-киинигэр сырытта. Тустаах кииҥҥэ ыччат эрэ буолбакка, аҕа саастаах көлүөнэ эмиэ дьарыктанар, ону тэҥэ, Нэһилиэнньэ дьарыктаах буолууга киинин кытта бииргэ үлэлэһэр былааннаахтар.
Кулун тутар 6 күнүгэр “Өлүөхүмэ тиэхиньикумун сайдыытын аныгы суоллара” сиэссийэ буолла. Сиэссийэни Саха сирин идэҕэ үөрэтиини сайыннарар институт дириэктэрэ Лилия Иванова уонна Идэҕэ бэлэмниир үөрэх хаачыстыбатын сыаналыыр тутулуга суох киин салайааччыта Людмила Захарова салайан ыыттылар. Тэрээһин кыттыылаахтара тиэхиньикум үлэтин көдьүүһүн сыаналаатылар, тэрилтэ сэҥээриини тардарын туһугар, үөрэх хаачыстыбатыгар, үөрэҕи бүтэрбиттэри үлэнэн хааччыйыыга үлэ ыытыытыгар ыйыылары биэрдилэр. Бу туһунан Үөрэх уонна билим министиэристибэтин саайтыгар сырдаталлар.
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…