Хаартысканы Ирина Сигаева тиксэрдэ
Олунньу 8 күнүгэр Өлүөхүмэ оройуонугар Троицкайдааҕы «Кыталык» сынньалаҥ киинигэр Саха сиригэр Ийэ дойдуну көмүскээччи сылынан уонна Улуу Кыайыы 80 сылынан сибээстээн, патриотическай тыыннаах кэнсиэр буолан ааста.
Кэнсиэр саҕаланыытыгар Троицкай нэһилиэгин баһылыга Дмитрий Васильевич Габышев эҕэрдэ тылын эппитин кэннэ, Заречнай нэһилиэктэн айар кэлэктиип Арассыыйа ырыаһыта Шаман «Встанем» ырыатын бэлэх уунна. Бу дириҥ ис хоһоонноох ырыа толоруутун кэмигэр бары сүһүөхпүтүгэр туран, байыаннай дьайыыга олохторун толук уурбут уолаттарбытын ахтан-санаан аастыбыт.
Кэнсиэр сүрдээх тэрээһиннээхтик, долгутуулаахтык ааста. Ол курдук, киһи ис дууһатын таарыйар байыаннай ырыалары, үҥкүүлэри көрдүбүт-иһиттибит. Тэрээһиҥҥэ эдэр ыччат түмсүүтэ, «Сарыал» түмсүү, бэтэрээннэр сэбиэттэрэ, оскуола үөрэнээччилэрэ, Заречнайтан уус-уран айар бөлөх кыттыыны ыллылар.
Кэнсиэртэн киирбит үп-харчы байыаннай дьайыыга сылдьар буойуттарга эмп-томп атыылаһан ыытар аахсыйаҕа көмө буолла.
Ирина Сигаева, Троицкайдааҕы сынньалаҥ киинин уус-уран салайааччыта
2025 сылга “Саха Өрөспүүбүлүкэтигэр судаарыстыбаннай уонна официальнай тыллары харыстааһын уонна сайыннарыы” эрэгийиэннээҕи бырагыраама тэрээһиннэрин олоххо…
Саха сиригэр Нэһилиэнньэ дьарыктаах буолуутугар судаарыстыбаннай кэмитиэт үлэтин чэрчитинэн, байыаннай дьайыы 880-тан тахса кыттыылааҕа уонна…
Кэлиҥҥи кэмҥэ ордук кыһыҥҥы өттүгэр, массыына умайыыта элбээтэ. ЫБММ Саха сиринээҕи кылаабынай управлениета иһитиннэрбитинэн, олунньу…
Таатта улууһугар быйыл Манчаары спортивнай оонньуулара ыытыллар буолан, улуус киинигэр Ытык Күөлгэ уонна чугастааҕы нэһилиэктэргэ…
Бүгүн, олунньу 11 күнүгэр, "Кыайыы Знамята" эстэпиэтэ Горнай улууһугар тиийдэ. Бу туһунан Ил Дархан Айсен…
Ааспыт нэдиэлэҕэ Арассыыйа Судаарыстыбаннай сэбиэтин үс хамыыһыйатын мунньаҕа буолан ааста. Самара губернатора Вячеслав Федорищев бэрэссэдээтэллээх…