Хаартыска СӨ Экологияҕа министиэристибэтин пресс-сулууспатыттан
Өлүөхүмэ улууһугар 254 416 га иэннээх сиргэ 15 ойуур баһаарын умуруораллар. Бу туһунан СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ иһитиннэрэр.
«Якутлесресурс», «Авиалесоохрана» тэрилтэлэртэн, өрөспүүбүлүкэ араас улуустарыттан уонна атын эрэгийиэннэртэн уопсайа 394 киһи уоту кытары охсуһа сылдьар. Итини таһынан 22 тиэхиньикэ, ол иһигэр бульдозердар, тыраахтырдар, күүгэнинэн ыһар автоматическай ыстаансыйалар, ойууру маныырга туһаныллар дьоҕус комплекстар уонна вездеходтар үлэлииллэр.
Бэлэм минерализованнай балаһаларга утары уоту ыытыы, харгыстыыр балаһалары илиинэн тиэрии, уоту уунан ыстарыы, сууллубут мастары ыраастааһын, баһаар тарҕамматын курдук харабыллааһын үлэлэрэ бараллар.
— Бары күүспүтүн-күдэхпитин ойуур баһаардара тарҕамматтарын туһугар, бохсууга уонна суох оҥорорго уурабыт, хонтуруолга тутабыт. Экэниэмикэ эбийиэктэригэр уонна нэһилиэнньэлээх пууннарга куттал суох», — диэн Өлүөхүмэтээҕи ойуур хаһаайыстыбатын үлэһитэ Радион Калинов эттэ.
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…