СИА хаартыската
Ойуур уотун умуруорууга бөлөҕү күүһүрдэргэ Саха сирин Быыһыыр сулууспатын 10 үлэһитин Өлүөхүмэ улууһугар ыыттылар. Бүгүн, от ыйын 11 күнүгэр, бүгүн кинилэр Тээнэ таһыгар тиийэллэр.
Күүстээх тыалтан уот үрэҕи уҥуордаан нэһилиэнньэлээх пууҥҥа чугаһаабыт. Кытыыта билигин сэлиэнньэттэн 6 км. сиргэ бэлиэтэнэр.
«СӨ Быыһыыр сулууспатын уон быыһаччыта Дьокуускайтан Тээнэҕэ уоту утары охсуһар бөлөххө көмөлөһө көттө. Билигин кинилэр Өлүөхүмэҕэ бааллар, баһаар буола турар сиригэр тиийиэхтэрэ«, — диэн этэр Саха сирин бырабыыталыстыбатын бэрэссэдээтэлин бастакы солбуйааччы Дмитрий Садовников.
Бу иннинэ буруолаах буолан бөртөлүөт «Авиалесоохрана» үлэһиттэрин өрүс төрдүгэр хаалларбыт. Онтон мотуордаах оҥочонон кинилэр Тээнэҕэ тиийбиттэр. Кинилэргэ билигин онно олохтоохтор көмөлөһөллөр.
Өлүөхүмэ улууһугар балаһыанньа судургута суох буолан турар. Бу күннэргэ онно 32 ойуур баһаара (уот сиэбит уопсай иэнэ 135 тыһ.гектар) бэлиэтэнэр. Тээнэни таһынан, Дабааҥҥа уона Куду Күөлгэ балаһыанньа эмиэ оннук. Баһаары утары үлэ күүһүрдүллэр. Ууну кутар тэриллээх МЧС бөртөлүөтэ уоту утары охсуһар. Улууска ойуур уотун умуруорууга 555 киһи үлэлиир.
Суукка саҕаланыыта өрөспүүбүлүкэҕэ 139 ойуур баһаара баара бэлиэтэнэр. Эрэгийиэҥҥэ баһаар уотун умуруорууга 1853 киһи, 124 көлө үлэлиир. Салгын аала ботурууллааһыҥа уонна уоту умуруорууга сылдьар.
СӨ Ил Дарханын уонна Бырабыыталыстыбатын пресс-сулууспата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …