Хаартыска: sakha.gov.ru
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ анаан мэдиссиинэ бары аныгы ирдэбиллэригэр эппиэттиир саҥа таас дьиэ атыылаһыллыбыт.
Өлүөхүмэ эмчиттэрин саҥа дьиэнэн видеосибээс нөҥүө Ил Дархан Айсен Николаев эҕэрдэлээтэ. Кини бүтэһик биэс сыл иһигэр өрөспүүбүлүкэ араас муннуктарыгар, Дьокуускайдааҕы Онкокиинтэн уонна Кардиокиинтэн саҕалаан, ыраах Арктика бөһүөлэктэригэр тиийэ 110-ча доруобуйа харыстабылын эбийиэгэ үлэҕэ киирбитин эттэ.
«Өлүөхүмэҕэ олус наадалаах эбийиэк үлэҕэ киирбитэ үөрдэр. Поликлиника хосторо сырдыктар, киэҥ-куоҥ эбиттэр. Оҕолорго уонна кинилэр төрөппүттэригэр табыгастаах, оттон исписэлиистэргэ үлэлииргэ көдьүүстээх буолуо диэн эрэнэбин. Кэлэр көлүөнэ саамай үчүгэйи ылыахтаах. Кинилэр доруобуйаларыгар кыһамньы олох кыра саастарыттан саҕаланыахтаах – бу былаас бары таһымыгар сүрүн сорук буолар. Өлүөхүмэ улууһугар «Доруобуйа харыстабылын бастакы сүһүөҕүн саҥардыы» бырагыраама чэрчитинэн ааспыт сылга Оҕону төрөтөр отделение уонна Оҕо консультациятын дьиэлэригэр хапытаалынай өрөмүөн ыытыллыбыта», – диэн Айсен Николаев бэлиэтээтэ. Өлүөхүмэлэри Госдуума дьокутаата Галина Данчикова эмиэ эҕэрдэлээтэ.
Киин балыыһа оҕо поликлиниката биир сменаҕа 75 киһини көрөр кыамталаах. Саҥа дьиэҕэ 20 кабинет баар: 4 педиатрическай учаастак, невролог, стоматолог, оҕо хараҕын көрөр, УЗИ уонна исписэлиистэр кабинеттара. Дьиэҕэ туспа киириилээх сыстыганнаах ыарыы боксата, суһал көмө кабинета бааллар. Манна улахан дьоҥҥо аналлаах терапевтическэй отделение 10 куойкалаах күнүскү стационара үлэлиэҕэ, диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…