Хаартыска: Андрей Сорокин, СИА
Ил Дархан Айсен Николаев уонна «Севергрупп» хампаанньа генеральнай дириэктэрэ Алексей Мордашов Өлүөхүмэ улууһун социальнай-экэнэмиичэскэй сайдыытын боппуруостарын дьүүллэстилэр. Ылыллыбыт сөбүлэһиилэр чэрчилэринэн оройуоҥҥа оскуолалар тутуллуохтара, араас экологическай уонна инфраструктурнай бырайыактар олоххо киириэхтэрэ.
Ону таһынан, хампаанньа Саха сиригэр профессиональнай үөрэхтээһин, култуура, успуорт уонна ускуустуба эйгэтигэр эмиэ көмөлөһүөҕэ.
«Биһиги Петербурдааҕы экэнэмиичэскэй пуорум кэмигэр ыыппыт кэпсэтиилэрбит уонна боппуруостарбыт салҕаналлар. Тэрилтэ Саха сиригэр саҕалаабыт инвестиционнай бырайыактарын өйүүбүн. «Севергрупп» хампаанньа Өлүөхүмэ оройуонун социальнай- экэнэмиичэскэй сайдыытыгар, Хотугу норуоттар култуураларын харыстааһыҥҥа, үөрэх уонна экология эйгэтигэр бырайыактары олоххо киллэриигэ улахан болҕомтотун уурар», — диэн бэлиэтээтэ Айсен Николаев.
«Саха сирин уонна Өлүөхүмэ оройуонун кытта бииргэ үлэлээһиммитин олус сыаналыыбыт. Биһиэхэ үлэлии сылдьар сирбит сайдара олус суолталаах буолар. Хампаанньа өрөспүүбүлүкэҕэ көмүс кластерын сайыннарыытыгар 1 млрд дуоллары укпута. Көмүс хостооһунун сайдыытыгар эбии үп көрөрү былаанныыбыт. Биһиги тэрилтэлэрбит эрэгийиэҥҥэ олорор дьону кытта быстыспат сибээстээхтэрин бэркэ өйдүүбүт. Онон ситиһиллибит кэпсэтиилэр түмүктэринэн Өлүөхүмэ оройуонун сэлиэнньэлэригэр оскуолалары тутууга үп-харчы көрүллүүтүгэр көмөлөһүөхпүт. Ону таһынан, араас экологическай, инфраструктурнай бырайыактары олоххо киллэрии салҕаныаҕа», — диэтэ Алексей Мордашов.
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…