Хаартыска: олекма.рф
Өрөспүүбүлүкэҕэ төрөөбүт тыллары тарҕатыыга, чөл хаалларыыга туһуламмыт тыл бэлиитикэтин олоххо киллэрии үлэтэ барар.
Өлүөхүмэ улууһун дьаһалтатыгар Улуус баһылыгын дьаһалынан төрөөбүт тылы чөл хаалларыыга анаан тэриллибит хамыыһыйа мунньаҕа буолан ааста. Мунньахха улуус баһылыгын социальнай боппуруостарга солбуйааччы Оксана Саввинова, култуура, ыччат, дьиэ кэргэн уонна успуорт управлениетын начаалынньыгын солбуйааччы Мария Ларионова, үөрэх управлениетын мэтэдиичэскэй салаатын кылаабынай исписэлииһэ Ольга Габышева, Абаҕа орто оскуолатын учуутала Раиса Уйгурова, Кыыллаах нэһилиэгин бибилэтиэкэрэ Раиса Лавернова кытыннылар.
Мунньах кыттыылаахтара быйыл кулун тутар 3 күнүгэр ыытыллыбыт “Өлүөхүмэ улууһугар төрөөбүт тылы сайыннарыы кэскилэ” улуустааҕы кэмпириэнсийэҕэ бигэргэммит тэрээһиннэри ырытыстылар, ону тэҥэ, кэлэр сыллааҕы үлэ сүрүн хайысхаларын торумнаатылар.
Мунньах түмүгүнэн кэккэ этиилэр киирдилэр. Ол курдук, кэлэр сыл устата саха классик суруйааччыларын айымньыларынан нэһилиэктэр икки ардыларыгар “Төрөөбүт тылы үөрэтии уонна чөл хаалларыы” диэн ааттаах испэктээктэр эстафеталарын ыытыы. Эстафета иитинэн уус-уран айар үлэни көрүөхтэрэ, декоративнай-прикладной ускуустуба быыстапката, улахан дьон ортотугар успуорт национальнай көрүҥнэригэр күрэхтэһиилэр буолуохтара. Үөрэх управлениетын кытта оҕолор ортолоругар саха култууратын бэстибээлэ, оҕолорго аналлаах ыһыах былааннанар.
Маны тэҥэ, улуус хаһыатыгар сахалыы тыллаах ыстатыйалар балаһаларын сөрүтэргэ, “Саха” НКИХ Өлүөхүмэтээҕи филиалыгар сахалыы тыллаах интервьюлардаах сонуннары таһаарарга этии киллэрдилэр.
Төрөөбүт тыл – култуура, устуоруйа, норуот үгэһин көлүөнэттэн көлүөнэҕэ бэриллиитин, кини култуурунай уонна духуобунай нэһилиэстибэтин чөл хаалларар, сайыннарар тиэрдэр ньымата.
Мария Ларионова,Олекма.рф
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…