Өлүөхүмэ улууһугар уоту-күөһү чөлүгэр түһэрэр үлэлэр ыытыллаллар

Халаан уутуттан эмсэҕэлээбит Өлүөхүмэ улууһугар уоту-күөһү чөлүгэр түһэрэр үлэлэр ыытыллаллар.

«Якутскэнерго» ПАУо Арҕааҥҥы электрическэй тиһиктэрин энергетиктэрэ Нөөрүктээйигэ дьиэлэр уоттарын-күөстэрин чөлүгэр түһэрэргэ үлэлэһэллэр.

Ыам ыйын 22 күнүгэр исписэлиистэр Таас Анна, Бүүрүк, 1 Нөөрүктээйи сэлиэнньэлэригэр «ДГ-100» оннугар «ДГ-500» холбообуттар. Бу күн энэргиэтиктэр аварийнай-чөлүгэр түһэрэр үлэлэрин Таас Аннын диэки туһаайыыга саҕалаабыттар.  Манна 8 киһи уонна икки буровой массыына үлэлиир. Номнуо 13 тирэх туруоруллубут.

Ити күн киэһээ  бөртөлүөтүнэн Кыыллааҕы уотунан-күөһүнэн хааччыйарга «ДГ-100» илдьибиттэр. Бүгүҥҥү күҥҥэ 7 дьиэ уотунан-күөһүнэн хааччыллыбыт. Үлэ салҕанар.

«Якутскэнерго» ПАУо Арҕааҥҥы электрическэй тиһигин пресс-сулууспата