Өлүөхүмэ улууһугар ууга түспүт эр киһини буллулар

Бүгүн, атырдьах ыйын 6 күнүгэр, 11.53 ч. атырдьах ыйын 3 күнүгэр Өлүөхүмэ улууһугар ууга түспүт эр киһи булуллубутун туһунан иһитиннэрии киирдэ.

Санатан суруйдахха, атырдьах ыйын 3 күнүгэр Өлүөхүмэ улууһун ЕДДС дьуһуурнайыгар Өлүөхүмэ куораттан аллараа Скала диэн сиргэ Бэстээх Сирэ Чугаһыгар, Өлүөхүмэ куоратыттан 5 км аллараа Өлүөнэ өрүскэ 1992 сыллаах төрүөх эр киһи ууга былдьаммытын туһунан иһитиннэрии киирбит.

Биэс киһи сынньана барбыттар, олортон биир итирик туруктаах киһи 20 миэтэрэ устубут уонна ууга былдьаммыт диэн СӨ быыһыыр сулууспата иһитиннэрэр.

Ууга сүппүт киһини аймахтара уонна ГИМС үлэһиттэрэ көрдөөбүттэр. Ууга түспүт киһини бүгүн Заречнай бөһүөлэгиттэн үс килэмиэтир аллара кытылтан булбуттар.