Өлүөхүмэ улууһугар үс оҕо суол саахалыгар түбэстилэр

2025 сыл от ыйын 9 күнэ үүнэр түүнүгэр 02:00 чааска «Умнас» айан суолун 658 км 550 м сиргэ, 2011 сыллаах төрүөх сокуоннай сааһын туола илик оҕо, «Сузуки Эскудо» массыынаны ыытан иһэн, уруулун сатаан туппакка,  суолтан көппүт.

Бу туһунан СӨ Суолга куттал суох буолуутун судаарыстыбаннай иниспиэксийэтэ иһитиннэрэр.

Ол түмүгэр, массыына айан суолуттан түһэн баран түҥнэстибит, массыынаҕа олорсон испит икки сокуоннай саастарын ситэ илик оҕолор эт-хаан араас эчэйиитин ылбыттар. Үһүөн быыһыыр курдарын бааммакка олорбуттар. Быһылаан чахчытынан бэрэбиэркэ ыытыллар.

СӨ Суолга куттал суох буолуутун судаарыстыбаннай иниспиэксийэтэ суоппардары уонна пассажирдары Суол быраабылатын бары ирдэбиллэрин тутуһалларыгар ыҥырар уонна куру баанан олоруу дьон олоҕун быыһырын санатар.