Өлүөхүмэ улууһун Чапаево сэлиэнньэтин таһыгар баар ойуур баһаара умуруорулунна

От ыйын 13 күнүгэр Өлүөхүмэ улууһун Чапаево сэлиэнньэтин таһыгар бэлиэтэммит ойуур баһаара бохсуллубутун туһунан баһылык Николай Харбин иһитиннэрэр.

«Бүгүн сарсыарда Чапаево сэлиэнньэтин таһыгар баар ойуур баһаара умуруорулунна. Барыллаан быһаарыынан, баһаар дьон сэрэҕэ суох буолуутуттан күөдьүйбүт», — диэн баһылык телеграм-ханаалыгар суруйар.

Кини этэринэн, билигин улууска ойуур баһаара суох.

«Баһаарынайдарга, Ленскэй уонна Өлүөхүмэ десантниктарыгар, авиатордарга, үтүө көмөһүттэргэ улахан махталбын тиэрдэбин», — диэн Николай Харбин махтанар.