Хаартыска: Мария Васильева /СИА.
Өлүөхүмэ улууһун киин балыыһатын оҕо поликлиниката уонна дьахтар консультацията саҥа атын дьиэҕэ көһүөхтэрэ.
Бу быһаарыыны Ил Дархан Айсен Николаев Өлүөхүмэ оройуонугар командировкаҕа сылдьан ылынна. Өрөспүүбүлүкэ баһылыга улуус бу эбийиэктэрин анаан көрдө-иһиттэ. Саҥа олорор дьиэ бастакы этээһигэр баар эбийиэк 1200 кв.м тахса иэннээх.
Эбийиэги үлэҕэ киллэрэргэ көҥүл бэрилиннэ. Инникитин дьиэни атыылаһан ылыахтара. Айсен Николаев манна тустаах өрөмүөнү ыытарга сорудахтаата.
— Туһааннаах ирдэбили тутуһан, өрөмүөнү ыытан, кэбиниэттэри толору хааччыйан, мэдиссиинэ тэриллэрин туруоруохха наада. “2026 сылга диэри бары тустаах көҥүлү ылар докумуоннары бэлэмнээн, эбийиэги 2026-2030 сылларга доруобуйа харыстабылын тэрилтэлэрин саҥардыы бырагырааматыгар киллэрэн баран, бу дьиэни медицинскэй тэрилтэҕэ холбуохха наада. Олохтоох оҕо балыыһаларын кыһалҕалара уонна оҕолорго сөптөөх усулуобуйаны тэрийии боппуруостара бастакынан быһаарыллыахтаахтар», — диэн бэлиэтээтэ Айсен Николаев.
Билигин оҕо поликлиниката уонна дьахтар консультацията 1987 сыллаахха тутуллубут икки этээстээх мас дьиэ балыыһаҕа бааллар.
Социальнай эбийиэги атыылаһан баран, манна эбии сытан эмтэнэр стационар аһыллыаҕа.
Оҕо эрдэхпиттэн өтөхтөрү кэрийэрбин, былыргылар, иччилэр тустарынан улахан дьон кэпсэтэрин истэрбин наһаа сөбүлүүр этим. Аны…
Санкт-Петербургтан Дьокуускайга көтөн испит сөмөлүөккэ биир пассажир илиигэ тутуллар суумкатыгар угулла сылдьар пауэрбаан умайда. Быһылаан…
Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ…
Алдан уонна Нерюнгри оройуоннарыгар ардах түһэрэ күүтүллэр, сорох сиринэн этиҥнэниэ, сөкүүндэҕэ 15-20 м түргэннээх тыалырыа.…
Арассыыйа бэрэсидьиэнэ Владимир Путин бэрэссэдээтэллээх Судаарыстыбаннай Сэбиэт Президиумун "Олоххо наадалаах инфраструктураны сайыннарыыга" аналлаах мунньаҕа ыытылынна.…
Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…