Өлүөхүмэ улууһун оскуоланы бүтэрэр аҕыс үөрэнээччитигэр 100 тыһ. солк. көмө көрүөхтэрэ

Быйыл саас Өлүөхүмэ улууһун хас да нэһилиэнньэлээх пууна ууга барбыта. Көмө бары өттүнэн оҥоһуллар. Бу күннэргэ өссө биир үөрүүлээх сонуну иһиттибит. Өлүөхүмэ улууһун оскуоланы бүтэрэр аҕыс үөрэнээччитигэр 100 тыһ. солк. көмө көрүллүөҕэ.

“Өлүөхүмэ улууһун баһылыга Николай Николаевич Харбин сааскы халаан уутун кэмигэр, халаантан эмсэҕэлээбит ыал оскуоланы бүтэрэр оҕолоругар көмө оҥорор туһунан быһаарыы ылыммыта. Бу сыл бэс ыйын 11 күнүгэр улуус баһылыга 11-с кылааһы бүтэрэр 8 үөрэнээччигэ хас биирдиилэригэр 100-түү тыһ. солк. харчынан көмөнү оҥорор туһунан дьаһалга илии баттаабыта. Оскуоланы бүтэрээччилэргэ кыһамньытын иһин Николай Николаевичка махталбытын биллэрэбит” – диэн Өлүөхүмэ улууһун үөрэҕин управлениетын телеграм ханаала суруйар.